វីដេអូនេះនៃមង្គលការមួយ នៅឯទឹកដីខ្មែរកម្ពុជាក្រោម ឃើញថាបានកំពុងទទួលការចាប់អារម្មណ៍ខ្លាំងតែម្តង ព្រោះតែកូនកំលោះកូនក្រមុំ សុទ្ធមានមាឌតូចល្អិតដូចគ្នា ដែលធ្វើឲ្យមនុស្សមួយចំនួនយល់ច្រឡំស្មានតែកូនក្មេង។
តែទោះយ៉ាងណា គូស្នេហ៍ទាំងពីរ មើលទៅពិតជាស្រស់ស្អាត និងសមគ្នាខ្លាំងណាស់។ ក្នុងនោះ បើតាមគណនីហ្វេសប៊ុកឈ្មោះ THÁI NI KHMER បានបង្ហោះវីដេអូមង្គលការអ្នកទាំងពីរ ដោយភ្ជាប់ Caption ថា៖ «ស្នេហាមិនគិតមានក្រឬស្អាតអាក្រក់ទេ សំខាន់គឺយើងស្រឡាញ់ដោយចិត្តស្មោះ»។
យ៉ាងណាមិញ ទាក់ទងមាឌតូចល្អិតប្រៀបដូចកូនក្មេងអាយុ ៦, ៧ ឆ្នាំ ធ្វើឲ្យអ្នកខ្លះមើលមិនដឹងបានចោទសួរទាំងហួសចិត្តថា ក្មេងពេកហើយចេះរកសុីចិញ្ចឹមគ្នានៅ? ក្នុងនោះ ក៏មានអ្នកឆ្លើយប្រាប់ទៅវិញថា មែនក្មេងទេ មនុស្សតឿអាយុច្រើនៗហើយ ជាង៣០អស់ហើយ របៀបដូចនាយក្រិនចឹងណា។ ហើយអ្វីដែលនឹកមិនស្មានដល់នោះ គេក៏បានប្រាប់ឲ្យដឹងថា កូនកំលោះមិនធម្មតាទេ មានចេះដំណឹងខ្ពង់ខ្ពស់មានមុខរបរជាគ្រូពេទ្យទៀតផងណា៎!!។
ជាមួយគ្នានេះផងដែរ អ្នកលេងបណ្តាញសង្គមជាច្រើន ក៏បានសរសើរថា ទាំងកូនកំលោះ និងកូនក្រមុំ ពិតជាសមគ្នាណាស់ សូមជូនពអោយចេះស្រលាញ់គ្នាដល់ចាស់៕ រក្សាសិទ្ធិដោយ៖ លឹម ហុង
