សុនកមួយក្បាលនេះដាច់ខាតមិនសុខចិត្តជំពាក់អ្នកណា ទើបវាតែងពាំស្លឹកឈើមួយសន្លឹកដើម្បីយកទៅប្តូរនំ ។
តាម The Dodo ច្រើនឆ្នាំមកហើយនេះ មនុស្សទាំងឡាយនៅកុងទីនមួយ នៃវិទ្យាស្ថាន Columbia អាមេរិក សុទ្ធសឹងតែស្គាល់ សុនកមួយក្បាលមានរោមខ្មៅរលើប ឈ្មោះ Negro ។ រៀងរាល់ថ្ងៃ Negro តែងពាំស្លឹកឈើ មួយសន្លឹកដើម្បីប្តូរយកនំមួយ ។
ងាកទៅកាន់អតីតកាល ៥ឆ្នាំមុននេះ Negro ត្រូវបានគ្រូបង្រៀននៃវិទ្យាស្ថាននេះយកមកចិញ្ចឹម គេផ្តល់អាហារទឹកនឹងកន្លែងសម្រាប់វារស់នៅ ។ បន្តិចម្តងៗ Negro បានក្លាយទៅជាអង្គរក្ស ដែលគេជឿទុកចិត្ត ។ អ្នកធ្វើការនៅទីនេះ ពុំបានដឹងថា Negro តែលួចសម្លឹងមើលអ្នកផងមកទិញទំនិញនៅកុងទីនដោយចាយលុយ ។
Negro តែងសងគុណចំពោះអ្នកឲ្យនំវា ដោយពាំយកស្លឹកឈើមួយសន្លឹក ។
គ្រូបង្រៀននៃវិទ្យាស្ថាននោះម្នាក់ Angela Garcia Bernal បាននិយាយប្រាប់ The Dodo ថា ដោយយកតម្រាប់តាមអ្នកដែលមកទិញទំនិញនៅទីនេះ ប្រហែលជាវាចង់សាកល្បង និងតាមសភាវរបស់សត្វ វាបានពាំស្លឹកឈើមួយសន្លឹក គ្រវីកន្ទុយ រួចរង់ចាំអ្នកលក់ហុចនំឲ្យវាដូចគេដែរ។ ពិតណាស់អ្នកលក់ទំនិញនៅទីនោះបានយល់ពីបំណងរបស់វា ។
Negro បានបង្កើតរូបបិយប័ណ្ណសម្រាប់ខ្លួនវា ពិតជាអស្ចារ្យណាស់ ហើយត្រូវបានមនុស្សគ្រប់គ្នារីករាយទទួលយក ។
សុនកពិតជាមានសំណាងដែលទទួលបានការស្រឡាញ់ពីមនុស្សលោក ។
តាម Gladys Barreto ដែលជាបុគ្គលិកលក់ទំនិញយូរឆ្នាំប្រចាំទីនេះ វាតែងមកកាន់ទីនេះដើម្បីយកនំ ហើយមិនភ្លេចពាំយកតាមស្លឹកឈើមួយសន្លឹក ។ លើកដំបូងពេលខ្ញុំឃើញវាធ្វើបែបនេះ ខ្ញុំពិតជាទប់ទឹកភ្នែកមិនបាន ព្រោះវារកគ្រប់វិធីដើម្បីឲ្យគេយល់អំពីទង្វើរបស់វា ៕ ចន្ទ្រា
