មេដឹកនាំកំពូលកូរ៉េខាងជើង លោក គីម ជុងអ៊ុន បានធ្វើឱ្យយើងភ្ញាក់ផ្អើលម្តងមកហើយ ជាមួយនឹងរូបរាងដ៏សង្ហារបស់គាត់ តែលើកនេះ គាត់ធ្វើឲ្យភ្ញាក់ផ្អើលជាថ្មី ខណៈត្រូវបានគេរាយការណ៍ថា គាត់មាន «បង្គន់ចល័ត» ដែលគាត់ត្រូវយកទៅគ្រប់ទីកន្លែង។ រីឯមូលហេតុគឺដោយសារតែគាត់មិនទុកចិត្តបន្ទប់ទឹកសាធារណៈ!។
មានសេចក្តីរាយការណ៍មកថា ប្រធានកូរ៉េខាងជើង បានតំឡើងបង្គន់ផ្ទាល់ខ្លួនដែលភ្ជាប់នៅក្នុងរថយន្តទាំងអស់របស់គាត់ ហើយនឹងប្រើប្រាស់តែបង្គន់នៅក្នុងរថយន្តរបស់គាត់ប៉ុណ្ណោះ។
ក្នុងនោះ សូម្បីតែរថយន្ត Mercedes-Benz ដែលការពារគ្រាប់កាំភ្លើងរបស់គាត់ ក៏ត្រូវបានកែប្រែ ដូច្នេះគាត់អាច “ការពារលាមករបស់គាត់”។
សេចក្តីរាយការណ៍ក៏នៅបានឲ្យដឹងថា “មានរថយន្តជាច្រើននៅក្នុងក្បួន ដូច្នេះមនុស្សមិនអាចដឹងថាតើគាត់នៅក្នុងមួយណា ហើយមានឡានដាច់ដោយឡែកមួយ ដែលដើរតួជាបន្ទប់ទឹករបស់គាត់”។ លើសពីនេះ រថភ្លើងផ្ទាល់ខ្លួនរបស់លោក គីម ជុងអ៊ុន ក៏ដូចជារថយន្តធុនតូច ឬមធ្យមដែលគាត់ធ្វើដំណើរមានបន្ទប់ទឹកពិសេសសម្រាប់តែគាត់ប៉ុណ្ណោះ។ សូម្បីតែយានជំនិះពិសេសដែលបង្កើតឡើងសម្រាប់ផ្លូវចោត ឬព្រិលក៏ដូចគ្នាដែរ!។
អង្គរក្សរបស់លោកត្រូវបានបញ្ជាឱ្យតាមដានបង្គន់ផ្ទាល់ខ្លួន ហើយប្រសិនបើគេរកឃើញថាមានអ្នកណាម្នាក់កំពុងប្រើវា អាចនឹងត្រូវស្លាប់!។
គេក៏បានអះអាងថា គីម ជុងអ៊ុន បានធ្វើការសម្រេចចិត្តនេះ ដោយសារតែគាត់មិនចង់ឱ្យលាមករបស់គាត់ធ្លាក់ទៅក្នុងកន្លែងគួរឲ្យគ្រោះថ្នាក់ ព្រោះវាអាចមានព័ត៌មានអំពីស្ថានភាពសុខភាពរបស់គាត់។
គួរបញ្ជាក់ថា ថ្មីៗនេះក៏មានការពិភាក្សាដ៏ធំមួយដែលផ្សព្វផ្សាយជុំវិញស្ថានភាពសុខភាពរបស់គាត់ចុងក្រោយនេះ ខណៈដែលគាត់បានស្រកទម្ងន់ ២០ គីឡូក្រាម ពីទម្ងន់ដើមរបស់គាត់ដ៏មិននឹកស្មាន៕ រក្សាសិទ្ធិដោយ៖ លឹម ហុង
