គូស្នេហ៍ជនជាតិថៃមួយគូបានកំពុងទទួលការចាប់អារម្មណ៍ជាខ្លាំងនៅលើអ៊ីនធើរណេត ដោយសារតែខាងស្រីមានរូបសម្រស់ដ៏ស្រស់ស្អាត និងមានអាយុទើបតែ២៣ឆ្នាំ រីឯខាងប្រុសវិញ ពុំត្រឹមតែមានវ័យស្មើនឹងឪពុកទេ តែថែមទាំងមុខមាត់អាក្រក់ទៀតផង ដែលធ្វើឲ្យប្រុសៗនៅក្នុងភូមិជាច្រើនលួចច្រណែនមិនស្ទើរទេ ។
បន្ទាប់ពីព័ត៌មានរបស់ពួកគេ ត្រូវបានចុះផ្សាយឡើងកក្រើកបណ្តាញសង្គម នោះមនុស្សជាច្រើន ក៏បានផ្តល់ពរជ័យដល់ពួកគេផងដែរ ។ ប៉ុន្តែ អតីតស្វាមីរបស់នាងឈ្មោះ Bu Min មិនសប្បាយចិត្តចំពោះរឿងរ៉ាវនេះទេ ។ គាត់បានបញ្ចេញកំហឹង និងធ្វើការចោទប្រកាន់អតីតប្រពន្ធនេះនាង Bunmee ថាបានចុះចោលគាត់ដោយគ្មាននិយាយពាក្យសូម្បីមួយម៉ាត់ឡើយ ហើយពួកគេក៏ឈានដល់ការលែងលះគ្នា ។ ឥឡូវនេះ ប្តីថ្មីរបស់នាង គាត់គឺជាបងប្រុសបង្កើតថៅកែរបស់នាង ។ ដែលនេះ បង្ហាញយ៉ាងច្បាស់ថា នាងរៀបការព្រោះតែដើម្បីលុយប៉ុណ្ណោះឯង ។
ប៉ុន្តែ ជាឆ្លើយតប នាង Bunmee បានចោទអតីតប្តីរូបនេះវិញថា គាត់គឺជាអ្នកញៀនល្បែង និងតែងបង្កជម្លោះធ្វើបាបនាង និងកូនរបស់នាងជារឿយៗ ។ ចំណែក ប្តីថ្មីនេះវិញ ទោះបីគាត់មុខមាត់អាក្រក់ តែគាត់គោរពស្រលាញ់នាង និងមើលថែកូនស្រីអាយុ ៧ ឆ្នាំរបស់នាងដូចកូនបង្កើតរបស់គាត់អីចឹង ៕ ចន្ទី
