ភ្នំពេញ ៖ ចិនបើករថយន្តលឿន បុកម៉ូតូកង់បី បណ្តាលឲ្យខូតខាតខ្ទេចហើយម្ចាស់កង់បីរបួសធ្ងន់រួចបើករត់ ត្រូវគេដេញចាប់នៅត្រង់ចំណុចមុខវ៉តធឺផាក ក្នុងសង្កាត់ ទឹកថ្លា ខណ្ឌសែនសុខ កាលពីម៉ោង១យប់រំលងអធ្រាត្រឈានចូលថ្ងៃទី១ ខែឧសភា ឆ្នាំ២០១៨។
បុរសជនជាតិចិន ស្រវឹងធ្លាក់ភ្នែកបុករឺម៉កម៉ូតូ ពីក្រោយពេញទំហឹង ពេលឃើញម្ចាស់ម៉ូតូកង់បី សម្លឹងមុខពួគេ អ្នកបើកឡានបង្ក បានថយឡានទៅក្រោយ រួចបើកបំបុក បណ្តាលឲ្យម៉ូតូកង់បី ក្រឡាប់ផ្ងារជើង។
ពេលកើតហេតុនោះ រថយន្តបង្កមិនព្រមឈប់ទេ ប្រឹងបន្ថែមល្បឿនបើករត់ ជ្រុលទៅបុកក្បាលនាគ ពុះចែកទ្រូងផ្លូវបណ្តាលអោយ បាក់អស់មួយកង់ទើបរថយន្ត ដាច់កាឡេកង់ឆ្វេង ទៅមុខលែងរួច ។ ជនបង្កទាំងពីរ មិនបានត្រូវគេស្គាល់ឈ្មោះនោះទេ តែនៅក្នុងរថយន្តគេ រកឃើញឯកសារមួយសន្លឹក បញ្ចាក់ថា ជនបង្កទាំង២នាក់នោះ ជាម្ចាស់សហគ្រាសសំណង់ ឈ្មោះ រ៉ុង ហ្សុង ខនស្ត្រាក់សិន ឯ.ក (Rong Zhong Contruction Co.Ltd) ដែលមានទីតាំង នៅផ្ទះលេខ១៦ ផ្លូវ614 ភូមិ១៩ សង្កាត់បឹងកក់2 ខណ្ឌទួលគោក។
គេឃើញមានរឺម៉ក ម៉ូតូមួយគ្រឿងបើកបរដោយ បុរសម្នាក់ជាជនជាតិខ្មែរ មិនស្គាល់អត្តសញ្ញាណ បើកតែម្នាក់ឯង តាមបណ្តោយផ្លូវសហព័ន្ធរុស្សី ក្នុងទិសដៅពីលិចទៅកើត មកដល់ចំណុចកើតហេតុ ក៏មានរថយន្តមួយគ្រឿងម៉ាក Lexus RX300 ពណ៌ទឹកប្រាក់ ពាក់ស្លាកលេខភ្នំពេញ2N -0345 បើកបរដោយ បុរសជនជាតិចិន ស្រវឹងស្រាជោកជាំ២នាក់ បើកលឿនដូចហោះ ទៅបុកម៉ូតូកង់បីពីក្រោយ។ នៅពេលត្រូវរថយន្ត បើកមកបុកពីក្រោយបែបនេះ គេឃើញម្ចាស់រ៉ឺម៉កម៉ូតូកង់បី បាន មើលមុខអ្នកបើក ស្រាប់តែភ្លាមនោះ ជនជាតិចិន ដែលកំពុងស្រវឹងធ្លាក់ភ្នែក ស្រាប់តែច្រឡោតខឹង ក៏ថយរថយន្តទៅក្រោយ ប្រមាណជាង៣ម៉ែត្រ រួចបើកមកបំបុករ៉ឺម៉ក ម៉ូតូកង់៣ពីក្រោយ ទាំងកម្រោល បណ្តាលឱ្យក្រឡាប់ផ្ងាជើង បណ្តាលឲ្យម្ចាស់ម៉ូតូកង់បី រងរបួសធ្ងន់ ៕ ដោយ ៖ បញ្ញាស័ក្តិ
