ប្រធានក្រុមប្រឹក្សាស្ដារសេដ្ឋកិច្ចជាតិ (NRC) របស់ប្រទេសម៉ាឡេស៊ី (NRC) លោក Muhyiddin Yassin បានធ្វើតេស្តវិជ្ជមានកូវីដ-១៩ ហើយបច្ចុប្បន្នកំពុងដាក់ឱ្យនៅដាច់ដោយឡែកនៅផ្ទះ។ ការឆ្លងនេះត្រូវបានបញ្ជាក់កាលពីថ្ងៃពុធ តាមរយៈម៉ាស៊ីន PCR។ អតីតនាយករដ្ឋមន្រ្តីម៉ាឡេស៊ីថ្លែងលើបណ្តាញហ្វេសបុក របស់លោក។
Muhyiddin ដែលបានរាយការណ៍ពីរោគសញ្ញាស្រាលបាននិយាយថាគាត់ស្ថិតក្នុង “ស្ថានភាពល្អ” និងនៅដាច់ដោយឡែកនៅផ្ទះ តបតាមការណែនាំរបស់ក្រសួងសុខាភិបាល។ លោកក៏បានជំរុញអ្នកដែល មានទំនាក់ទំនងជិតស្និទ្ធនឹងលោកឲ្យគោរពតាមពិធីសារសុខភាពដែលមានស្រាប់។ ព័ត៌មាននៃការឆ្លងរបស់ Muhyiddin កើតឡើងមួយថ្ងៃបន្ទាប់ពីគាត់បានធ្វើជាប្រធានកិច្ចប្រជុំ NRC ដោយផ្ទាល់ជាមួយរដ្ឋ
មន្ត្រីខុទ្ទកាល័យនិងមន្ត្រីរដ្ឋាភិបាលផ្សេងទៀត។ រដ្ឋមន្ត្រីសុខាភិបាល Khairy Jamaluddin ក៏បានចូលរួមផងដែរ។
ម៉ាឡេស៊ីបានឃើញករណីឆ្លង COVID-19 កើនឡើងក្នុងរយៈពេលប៉ុន្មានថ្ងៃថ្មីៗនេះ។ ការឆ្លងថ្មីបានកើនឡើងដល់កម្រិតខ្ពស់រយៈពេលបួនខែកាលពីថ្ងៃសៅរ៍ មុនពេលបន្តកើនឡើង។ ក្រសួងសុខាភិបាលបាននិយាយកាលពីថ្ងៃចន្ទថា ការរីករាលដាលនៃករណីថ្មីៗមិននឹកស្មានដល់ ហើយការឆ្លងភាគច្រើនមិនមានរោគសញ្ញា ឬស្រាល។
លោក Muhyiddin កាលពីថ្ងៃអង្គារបានប្រកាសថា NRC បានយល់ព្រមបើកព្រំដែនរបស់ប្រទេសម៉ាឡេស៊ីពេញលេញត្រឹមខែមីនា ដើម្បីគាំទ្រដល់ការស្តារសេដ្ឋកិច្ចរបស់ប្រទេស។ នេះអាចកើតឡើងភ្លាមៗនៅថ្ងៃទី 1 ខែមីនា៕ប្រភព៖ CNA
