កងទ័ពអាកាសរបស់ប្រទេសជប៉ុនបាននិយាយកាលពីថ្ងៃអាទិត្យ (ថ្ងៃទី 13 ខែកុម្ភៈ) ថាខ្លួនបានរកឃើញសាកសពនាវិកម្នាក់ក្នុងចំណោមនាវិកពីរនាក់នៃយន្តហោះចម្បាំងដែលបានបាត់កាលពីពីរសប្តាហ៍មុន។
យន្តហោះចម្បាំង F-15 បានកំពុងបំពេញបេសកកម្មហ្វឹកហាត់កាលពីថ្ងៃទី 31 ខែមករា នៅពេលដែលវាបានបាត់ពីរ៉ាដាភ្លាមៗ បន្ទាប់ពីហោះចេញពីមូលដ្ឋានអាកាស Komatsu ក្នុងតំបន់ Ishikawa កណ្តាល ភ្លាមៗនេះក្រុមសង្គ្រោះបានស្វែងរកនាវិកដែលបាត់ខ្លួន។
កងទ័ពអាកាសបាននិយាយថា សាកសពមួយត្រូវបានរកឃើញកាលពីថ្ងៃសុក្រ ដោយកងទ័ពជើងទឹកក្នុងអំឡុងពេលប្រតិបត្តិការស្វែងរកនៅសមុទ្រជប៉ុន។ យោធាបាននិយាយថា ខ្លួនបានបញ្ជាក់ពីអត្តសញ្ញាណសាកសព ប៉ុន្តែមិនបានបញ្ចេញឈ្មោះនោះឡើយ ហើយបានបន្ថែមថា ការស្វែងរកសហសេវិកអ្នកបើកបររបស់គាត់នៅតែបន្ត។
មូលហេតុពិតប្រាកដ និងពីរបៀបដែលយន្តហោះរបស់ពួកគេធ្លាក់ មិនត្រូវបានបញ្ជាក់ឱ្យច្បាស់លាស់នោះទេ ប៉ុន្តែក្រសួងការពារជាតិមិនបានបញ្ឈប់ការស្វែងរកយន្តហោះ F-15 បន្ទាប់ពីឧបទ្ទវហេតុនោះទេ។ ជប៉ុនធ្លាប់បានជួបឧបទ្ទវហេតុនានាដែលពាក់ព័ន្ធនឹងទ័ពអាកាសរបស់ខ្លួន។ ក្នុងឆ្នាំ 2019 យន្តហោះបំបាំងកាយ F-35A បានធ្លាក់ចូលទៅក្នុងសមុទ្រ បន្ទាប់ពីអ្នកបើកយន្តហោះបានទទួលរងនូវភាពវង្វេងវង្វាន់នៃលំហ៕ប្រភព៖ AFP
