ភ្នំពេញ ៖ នៅថ្ងៃទី២ ខែឧសភា ឆ្នាំ២០១៨ មានហេតុការណ៍គ្រោះថ្នាក់ចរាចរ នៅទូទាំងប្រទេសកើតឡើងចំនួន១០លើក បណ្តាលឲ្យមនុស្សស្លាប់ ៧នាក់ រងរបួសធ្ងន់ ៤នាក់ របួសស្រាល១នាក់ មិនពាក់ពួកសុវត្ថិភាពេលគ្រោះថ្នាក់ ៥នាក់។
យោងតាមរបាយការពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា នៅក្នុងករណីគ្រោះថ្នាក់ចរាចរណ៍ទាំង១០លើកនេះ បានបង្កឲ្យមានការខូចខាតយានយន្តសរុប ២១គ្រឿង ក្នុងនោះមានម៉ូតូ ១០គ្រឿង រថយន្តតូច ៧គ្រឿង រថយន្តធំ ៤គ្រឿង ។ មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរ គឺបណ្តាលមកពីល្បឿន ៤លើក(ស្លាប់៣នាក់), មិនគោរពសិទ្ធិ ៤លើក(ស្លាប់២នាក់) កត្តាយាន ២លើក(ស្លាប់២នាក់) ។
គ្រោះថ្នាក់នៅលើដងផ្លូវ មានផ្លូវជាតិ ៧លើក ផ្លូវខេត្ត ៣លើក ។ ដោយឡែក យានយន្តដែលបង្កហេតុ រួមមាន ម៉ូតូ ២លើក រថយន្តតូច ៤លើក រថយន្តធំ ៣លើក ថ្មើរជើង ១លើក ។ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តពោធិ៍សាត់ ២លើក ស្លាប់៤នាក់, ភ្នំពេញ ២លើក ស្លាប់២នាក់ របួស១នាក់ និងខេត្តកណ្តាល ១លើក ស្លាប់១នាក់ ។
របាយការណ៍ដដែលបានបន្តថា រយៈពេល២ថ្ងៃ ដើមខែឧសភា ឆ្នាំ២០១៨ កើតឡើងចំនួន ១៩លើក បណ្តាលឲ្យមនុស្សស្លាប់ចំនួន ៨នាក់ របួសធ្ងន់ ១៥នាក់ របួសស្រាល ២នាក់ ៕ ដោយ ៖ បញ្ញាស័ក្តិ
