ភ្នំពេញ៖ មន្រ្តីជំនាញ ក.ប.ប. សាខារាជធានីភ្នំពេញបានចុះស្រាវជ្រាវ ស៊ើបអង្កេត និងត្រួតពិនិត្យលើឃ្លាំងលក់គ្រឿងបន្លាស់ និងជួសជុលម៉ូតូកង់បីឥណ្ឌាចំនួន ២ទីតាំងដោយរកឃើញថា មិនមានអនុលោមភាព និងក្លែងបន្លំនូវគ្រឿងបន្លាស់មួយចំនួន។
ការប្រតិបត្តិការត្រួតពិនិត្យនេះគឺធ្វើឡើងតាមរយៈបណ្ដឹងរបស់អ្នកប្រើប្រាស់ ទើបឈានដល់ការត្រួតពិនិត្យជាក់ស្ដែង នៅនឹងឃ្លាំងទាំងពីរខាងលើតែម្ដង កាលពីថ្ងៃទី២១ ខែកុម្ភៈ ឆ្នាំ២០២២។
យោងទៅតាមលទ្ធផល មន្រ្តីជំនាញបានរកឃើញថា ឃ្លាំងទាំងពីរខាងលើ លក់ផលិតផលក្លែងបន្លំ និងមិនមានអនុលោមភាព។
មន្រ្តីជំនាញបានផ្អាកជាបណ្ដោះអាសន្ន នូវឃ្លាំងទាំងពីរខាងលើ និងតម្រូវឱ្យម្ចាស់ចូលខ្លួន មកដោះស្រាយទៅតាមនីតិវិធី៕រក្សាសិទ្ធិដោយ ៖ សុទ្ធ លី
