ទីភ្នាក់ងារសារព័ត៌មាន Yonhap កូរ៉េ បានដកស្រង់ប្រភពមិនបញ្ចេញឈ្មោះឲ្យដឹងកាលពីថ្ងៃទី ៤ ឧសភាថា ៖ “ខ្ញុំដឹងព័ត៌មានថា កូរ៉េខាងជើង និងអាមេរិក បានព្រមព្រៀងគ្នាដោះលែងពលរដ្ឋអាមេរិកដើមកំណើតកូរ៉េខាងត្បូង ៣រូប គឺ Kim Hak-song, Tony Kim និងKim Dong-chul ឲ្យមានសេរីភាពវិញ នៅថ្ងៃទី ៥ ខែឧសភានេះ នាតំបន់ផ្អាកសង្គ្រាម Panmuntom” ។
ពលរដ្ឋអាមេរិក ៣នាក់ ដែលត្រូវកូរ៉េខាងជើងចាប់ខ្លួន អាចត្រូវទទួលបានសេរីភាពវិញ។
នៅលើបណ្តាញសង្គម Twitter កាលពីថ្ងៃ ២ ឧសាភា ប្រធានាធិបតីដូណាល់ ត្រាំបានសរសេរថា ៖ ដូចអ្នកបានដឹងហើយរដ្ឋការអាមេរិកធ្លាប់បានសំណូមពរឲ្យកូរ៉េខាងជើងដោះលែងអ្នកទោសពីជំរំកែប្រែ ប៉ុន្តែពុំមានចម្លើយសោះ ឥឡូវនេះចូររង់ចាំមើល ! ៕ សូយន