ស្រ្តីម្នាក់តែងតែងតែទិញកៅអីយន្តហោះបន្ថែម ដើម្បីធ្វើដំណើរជុំវិញពិភពលោកជាមួយនឹងសត្វឆ្កែចិញ្ចឹមជាទីស្រឡាញ់ចំនួន ៤ ក្បាលរបស់នាង។ ហើយសត្វឆ្កែពណ៌សទាំង៤ក្បាលនោះ បានក្លាយជាដៃគូដែលមិនអាចខ្វះបានរបស់ស្ត្រីមកពីទីក្រុងញូវយ៉ក (សហរដ្ឋអាមេរិក) រូបនេះ នៅពេលធ្វើដំណើរជុំវិញពិភពលោក។
ឆ្កែ ៤ ក្បាលរបស់ Oxana Nabokova មាន៖ Maya អាយុ ៤ ឆ្នាំ Charlie និង Lily អាយុ ១ ឆ្នាំ និង Marvel អាយុ ១០ ខែ។ នាងស្រឡាញ់សត្វចិញ្ចឹមរបស់នាងខ្លាំងណាស់ ហើយជារឿយៗ ធ្វើដំណើរជុំវិញពិភពលោករៀងរាល់ពីរបីខែម្តង។
រហូតមកដល់ពេលនេះ ពួកគេបានធ្វើការជាមួយគ្នា ជាមួយជើងហោះហើរប្រមាណ ៧០ ជើងរួចមកហើយទៅកាន់តំបន់ទេសចរណ៍ល្បីៗលើពិភពលោក។ រាល់ជើងហោះហើរ នាង Oxana ត្រូវបានជ្រើសរើសដោយប្រុងប្រយ័ត្ន ដោយក្រុមហ៊ុនអាកាសចរណ៍ល្បីឈ្មោះដែលអនុញ្ញាតឱ្យសត្វចិញ្ចឹមជិះលើយន្តហោះ។
Oxana ជារឿយៗត្រូវទិញកៅអីបន្ថែមសម្រាប់សត្វឆ្កែ ៤ ក្បាលរបស់នាង ហើយពួកគេមានកន្លែងគ្រប់គ្រាន់ ដើម្បីរីករាយនឹងការធ្វើដំណើរប្រកបដោយផាសុខភាព។ សំខាន់ជាងនេះទៅទៀត សត្វឆ្កែគឺជាថ្នាំដ៏សំខាន់មួយ ដើម្បីជួយនាងជំនះការភ័យខ្លាចរបស់នាងក្នុងការហោះហើរផងដែរ។
Oxana បានចែករំលែកថា “ជាធម្មតាយើងធ្វើដំណើររៀងរាល់ពីរបីខែម្តង។ ខ្ញុំមានការភ័យខ្លាចក្នុងការហោះហើរ ប៉ុន្តែខ្ញុំមានអារម្មណ៍ស្ងប់ស្ងាត់ នៅពេលដែលខ្ញុំធ្វើដំណើរជាមួយសត្វឆ្កែចំនួន ៤ ក្បាលរបស់ខ្ញុំ។ យើងតែងតែធ្វើដំណើរជុំវិញសហរដ្ឋអាមេរិក ដោយទៅទស្សនារដ្ឋជាច្រើនដូចជា Seattle, Utah, Las Vegas, អារីហ្សូណា កាលីហ្វ័រញ៉ា និងម៉ៃអាមី និងប្រទេសជាច្រើនទៀតដូចជា៖ ម៉ិកស៊ិក អារូបា សាធារណរដ្ឋដូមីនីកែន បារាំង ហូឡង់ និងបែលហ្ស៊ិក ជាដើម។ អ្នកដំណើរជាច្រើនពិតជាមានការភ្ញាក់ផ្អើល នៅពេលឃើញខ្ញុំកំពុងធ្វើដំណើរជាមួយសត្វឆ្កែ ៤ ក្បាលនៅលើយន្តហោះ ប៉ុន្តែសំណាងល្អ ដែលគ្មាននរណាម្នាក់ត្អូញត្អែរអំពីពួកវា”។
ស្ត្រីនៅលីវអាយុ ៣៣ ឆ្នាំ រូបនេះ គឺមានការប្រុងប្រយ័ត្នណាស់ ក្នុងការជ្រើសរើសគោលដៅទៅលេងកម្សាន្តរបស់នាង។ នាងបាននិយាយថា ការធ្វើដំណើរជាមួយសត្វចិញ្ចឹមគឺមានភាពស្មុគស្មាញបន្តិចប៉ុន្តែសប្បាយ។ នាងបន្តថា សត្វឆ្កែចូលចិត្តធ្វើដំណើរទៅកន្លែងដែលមានអាកាសធាតុត្រជាក់ រដូវរងារព្រិល ហើយចូលចិត្តទៅលេងឆ្នេរដើម្បីហែលទឹក។ ដើម្បីឱ្យសត្វឆ្កែមានផាសុខភាពនៅពេលធ្វើដំណើរ នាងតែងតែនាំយកអាហារសម្រាប់ពួកវា។ ជួនកាល Oxana នាំយកវ៉ាលីដែលពោរពេញដោយសាច់ ដោយសារតែសត្វឆ្កែចូលចិត្តអាហារឆៅ។
មិនថាពួកគេទៅទីណានោះទេ សត្វឆ្កែពណ៌សចំនួន ៤ ក្បាល បានទាក់ទាញការចាប់អារម្មណ៍ពីមនុស្សគ្រប់គ្នានៅជុំវិញ។ Oxana បាននិយាយថា “យើងតែងតែទទួលបានការចាប់អារម្មណ៍ពីមនុស្សជាច្រើន។ មានអ្នកខ្លះបានឈប់និយាយ និងសុំថតរូបជាមួយសត្វឆ្កែ៤ក្បាល ដែលគួរអោយស្រលាញ់នេះ”។
ប្រសិនបើមិនធ្វើដំណើរតាមយន្តហោះទេ ម្ចាស់នឹងជួលរថយន្ត SUV ខ្នាតធំដាច់ដោយឡែក ដើម្បីធ្វើដំណើរ ព្រោះនេះជួយឱ្យសត្វឆ្កែមានកន្លែងស្រួលបំផុត។
Oxana បាននិយាយថា៖ “ខ្ញុំមិនអាចស្រម៉ៃថា ថ្ងៃណាមួយខ្ញុំធ្វើដំណើរដោយគ្មាន Maya, Lily, Charlie និង Marvel? តែខ្ញុំនឹងមិនឃើញចំណុចនេះទៀតទេ ឆ្កែ ៤ ក្បាល ធ្វើឱ្យរាល់ការជិះកាន់តែរីករាយ។ យើងបានបង្កើតអនុស្សាវរីយ៍ដ៏អស្ចារ្យមួយចំនួនជាមួយគ្នា ហើយនឹងបន្តធ្វើដំណើរជុំវិញពិភពលោក»៕ រក្សាសិទ្ធិដោយ៖ លឹម ហុង
