Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ក្រសួងពាណិជ្ជកម្ម និង​សភាពាណិជ្ជកម្ម​អឺរ៉ុប ព្រមព្រៀង​បង្កើន​កិច្ចសហការ​លើ​វិស័យ​ធុរកិច្ច និង​វិនិយោគ​

spot_img

​ភ្នំពេញ​៖ ទាក់ទង​នឹង​ការជំរុញ​ពាណិជ្ជកម្ម និង​វិនិយោគ លោ​កម​រដ្ឋមន្ត្រី​ពាណិជ្ជកម្ម បាន​ឯកភាព​ជាមួយ​លោក Arnaud Darc ប្រតិភូ​សភាពាណិជ្ជកម្ម​អឺរ៉ុប ក្នុង​ការធ្វើ​វិសោធនកម្ម លើ​អនុស្សរណៈ​យោគយល់​គ្នា រវាង​ក្រសួងពាណិជ្ជកម្ម និង​សភាពាណិជ្ជកម្ម​អឺរ៉ុប ដើម្បី​ដាក់បញ្ចូល​បន្ថែម នូវ​កិច្ច​សហការគ្នា​ថ្មីៗ ដែល​ភាគី​ទាំងពីរ​បាន​ព្រាងទុក​។​

​នៅ​ទីស្ដីការ​ក្រសួងពាណិជ្ជកម្ម កាលពី​រសៀល​ថ្ងៃ​សុក្រ ទី​៤ ខែឧសភា ឆ្នាំ​២០១៨ លោក ប៉ាន សូរ​ស័ក្ដិ រដ្ឋមន្ត្រីក្រសួង​ពាណិជ្ជកម្ម បានអនុញ្ញាត​ឲ្យ​ប្រតិភូ​សភាពាណិជ្ជកម្ម​អឺរ៉ុប (Eurocham) ប្រចាំ​នៅ​កម្ពុជា ដឹកនាំ​ដោយ​លោក Arnaud Darc ប្រធាន​ក្រុមប្រឹក្សាភិបាល Eurocham ចូលជួប​ពិភាក្សា​ការងារ​។​

​នៅក្នុង​ឱកាស​នោះ លោក Arnaud Darc បាន​គោរព​អញ្ជើញលោក​រដ្ឋមន្ត្រី ធ្វើជា​អធិបតី​នៅក្នុង​ពិព័រណ៍​ពាណិជ្ជកម្ម​អឺរ៉ុប (Euro Fair) លើកទីមួយ ដែល​គ្រោង​នឹង​រៀបចំ​នៅ​ថ្ងៃទី​២៩ ខែមិថុនា ឆ្នាំ​២០១៨ ខាងមុខ​។ ពិព័រណ៍​នេះ នឹងត្រូវ​រៀបចំ​រៀងរាល់ ២​ឆ្នាំ​ម្តង ដើម្បី​បង្ហាញ​បរិយាកាស​ល្អ​ផ្នែក​ធុរកិច្ច និង​ផ្តល់ជូន​ក្រុមហ៊ុន​នៃ​បណ្តា​ប្រទេស​អឺរ៉ុប ក្នុងការ​ស្វែងរក​ឱកាស​ពង្រីក​ទីផ្សារ និង​ចាប់​ដៃគូ​ជាមួយ​ធុរជន​ក្នុងប្រទេស​កម្ពុជា​។​

​លើសពីនេះ លោក Arnaud Darc បានបង្ហាញ​ចំណាប់អារម្មណ៍ ចូលរួម​លើ​ដំណើរការ រៀបចំ​ច្បាប់ ស្ដីពី​ពាណិជ្ជកម្ម​តាម​អេឡិចត្រូនិក (E-commerce) របស់​កម្ពុជា និង​បានស្នើ​ឲ្យ​មានការ​ពិគ្រោះ​យោបល់​ជាមួយនឹង​វិស័យ​ឯកជន​ផងដែរ ដើម្បី​ទទួលបាន​ធាតុ​ចូល​ផ្សេងៗ សម្រាប់​ជំនួយ​ដល់​ការ​ចងក្រង​ច្បាប់​នេះ​។​

​ទាក់ទង​នឹង​សំណើ​ទី​១​លោក​រដ្ឋមន្ត្រី បាន​ទទួលយក និង​បាន​ថ្លែងអំណរគុណ​ដល់​សភាពាណិជ្ជកម្ម​អឺរ៉ុប ដែល​បានរួម​ចំណែក​សំខាន់​ដល់​ការកាត់បន្ថយ​ភាពក្រីក្រ និង​បង្កើត​ឱកាស​ការងារ​នៅ​កម្ពុជា ព្រមទាំង​ផ្ដល់​អត្ថប្រយោជន៍​ជាច្រើន ដល់​ការអភិវឌ្ឍ​សង្គម​កម្ពុជា​។ ចំពោះ​សំណើ​ទី​២​លោក​រដ្ឋមន្ត្រី បាន​ឯកភាព និង​បាន​សន្យា​ជំរុញ​ការរៀបចំ​ច្បាប់​នេះ ឲ្យ​បាន​ចប់សព្វគ្រប់​នៅក្នុងពេល​ដ៏​ខ្លី​ខាងមុខ​។​

​ទាក់ទង​នឹង​ការជំរុញ​ពាណិជ្ជកម្ម និង​វិនិយោគ លោ​កម​រដ្ឋមន្ត្រី បាន​ឯកភាព​ជាមួយ​លោក Arnaud Darc ក្នុង​ការធ្វើ​វិសោធនកម្ម​លើ​អនុស្សរណៈ​យោគយល់​គ្នា​រវាង​ក្រសួងពាណិជ្ជកម្ម និង​សភាពាណិជ្ជកម្ម​អឺរ៉ុប ដើម្បី​ដាក់បញ្ចូល​បន្ថែម​នូវ​កិច្ច​សហការគ្នា​ថ្មីៗ ដែល​ភាគី​ទាំង​ពីរបាន​ព្រាងទុក​មានដូចជា កិច្ចសហការ​ទាក់ទង​នឹង​ការរៀបចំ​ច្បាប់​ស្តីពី E-commerce និង​ការសម្របសម្រួល​ដំណើរ​ការចុះ​អនុស្សរណៈ​យោគយល់​គ្នា រវាង​សភាពាណិជ្ជកម្ម​កម្ពុជា និង​សភាពាណិជ្ជកម្ម​ទីក្រុង​ប៉ារីស​៕ ដោយ​៖​បញ្ញា​ស័ក្តិ​

spot_img
×