តាមរយៈវីដេអូឃ្លីប បានឲ្យដឹងថា នៅតាមផ្លូវទៅទទួលកូនក្រមុំ គ្រួសារកូនកំលោះត្រូវបែកញើសមិនស្ទើរ ដោយសារគំនរខ្សាច់ដ៏ធំមួយ ត្រូវបានគេចាក់ចោលស្ទើរពេញមួយផ្លូវ ដែលធ្វើឲ្យរថយន្តមិនអាចបន្តដំណើរទៅមុខរួចទៀត។
ជាក់ស្តែង គ្រួសារកូនកំលោះ ដែលដឹកនាំដោយកូនកំលោះ ដែលនៅក្នុងដៃជាមួយ ប៉ែល បានចាក់កាយខ្សាច់ ដើម្បីបើកផ្លូវសម្រាប់រថយន្តរបស់ពួកគេ។ ហើយទន្ទឹមនោះផងដែរ មិត្តភក្តិរបស់កូនកំលោះជាច្រើនត្រូវបានឃើញសើច និងកាន់ទូរស័ព្ទដើម្បីថតឃ្លីប។
វីដេអូឃ្លីបនេះ បន្ទាប់មក ត្រូវបានចែករំលែកតៗគ្នានៅលើបណ្ដាញសង្គម ដែលបានទាក់ទាញចំណាប់អារម្មណ៍អស់សំណើចជាខ្លាំង ពីអ្នកនិយមលេងអុីនធឺណិតរាប់ម៉ឺននាក់។ ក្នុងនោះ មនុស្សជាច្រើនព្រោះមិនដែលប្រទះករណីនេះ ក៏បានមានមតិលើកឡើងបែបនេះថា៖ «សង្ស័យ មានអ្នកប្រជែងនឹងកូនកំលោះហើយមើលទៅ បានជាចាក់ខ្សាច់បែបនេះ, នេះជាអនុស្សាវរីយ៍ដ៏គួរឲ្យចាប់អារម្មណ៍ និងមិនអាចបំភ្លេចបានរបស់កូនកំលោះ,…»៕ រក្សាសិទ្ធិដោយ៖ លឹម ហុង
