រណ្តៅមច្ចុរាជដ៏ធំសម្បើមមួយ ដែលមានបណ្តោយស្មើនឹងតារាងបាល់ទាត់ពីរ ហើយនឹងជម្រៅស្មើនឹងផ្ទះ ៩ជាន់ បង្ហាញវត្តមាននៅកសិដ្ឋានមួយនាប្រទេស New Zealand ។
ប្រភពពី AP ចុះផ្សាយឲ្យដឹងថា កម្មករនៅកសិករនៃកសិដ្ឋានមួយនាពេលព្រលឹមទៀបភ្លឺ ក៏ក្រឡេកឃើញរណ្តៅដ៏ធំខាងលើ ក្នុងកសិដ្ឋាននៅ Rotorua ទំហំរបស់រណ្តៅ “មច្ចុរាជ” នេះ មានបណ្តោយ ២០០ម៉ែត្រ ទទឹង ៤,៨ម៉ែត្រ និងជម្រៅ ២០ម៉ែត្រ ។
រណ្តៅមច្ចុរាជដ៏ធំសម្បើមមើលពីលើ ។
ជម្រៅគួរឲ្យខ្លាចពេលមើលកៀក ។
ទិដ្ឋភាពទូទៅ
តាមម្ចាស់កសិដ្ឋានដដែលនិយាយឲ្យដឹងថា បច្ចុប្បន្ននេះ នៅតំបន់កសិដ្ឋានរបស់លោកចាប់ផ្តើមកើតមានជាបន្តបន្ទាប់នូវបាតុភូតរណ្តៅមច្ចុរាជ ហើយភ្លៀងដែលធ្លាក់ទោះធំយ៉ាងណាក៏ដោយ ក៏ពុំដែលឃើញបន្សល់ទឹកសូម្បីមួយចង្អុលដៃ ៕ ចន្ទ្រា