ភាគហ៊ុនកំពង់ផែស្វយ័តព្រះសីហនុ បានកើនឡើង ១៨០រៀល ហើយភាគហ៊ុនកំពង់ផែស្វយ័តភ្នំពេញ បានកើនឡើង១៦០រៀល មកបិទនៅថ្លៃ ១៣.៦០០រៀល និង ១៥.៥៦០រៀលរៀងគ្នាកាលពីថ្ងៃព្រហស្បតិ៍ម្សិលមិញនេះ។
រដ្ឋាករទឹកស្វយ័តភ្នំពេញ ភាគហ៊ុនតំបន់សេដ្ឋកិច្ចពិសេសភ្នំពេញ ភាគហ៊ុនអេស៊ីលីដា និងភាគហ៊ុនឌីប៊ីឌី កើនឡើងបន្តិចបន្តួចចន្លោះពី ១០ទៅ ២០រៀលក្នុងមួយហ៊ុន។
ភាគហ៊ុនផ្សេងទៀតបានរក្សាថ្លៃថេរដដែល វេលាថ្ងៃព្រហស្បតិ៍ម្សិលមិញនេះ។ សន្ទស្សន៍ផ្សារមូលបត្រកម្ពុជា បានកើនឡើង ០,៣៤%មកបិទក្នុងចំនួន ៥៧៤ពិន្ទុ ជាមួយនឹងតម្លៃជួញដូរភាគហ៊ុនសរុបចំនួន ១,០៨ប៊ីលានរៀលនៅលើទីផ្សារគោល៕