ថៃមិនតម្រូវឱ្យធ្វើតេស្តកូវីដ-១៩ មុនពេលធ្វើដំណើរ និងសម្រាប់ការមកដល់ថៃ

មជ្ឈមណ្ឌលគ្រប់គ្រងស្ថានភាពកូវីដ-១៩ បានបញ្ជាក់កាលពីថ្ងៃម្សិលមិញថា អ្នកដំណើរបរទេសទាំងអស់ ដែលមកដល់ប្រទេសថៃនឹងមិនតម្រូវឱ្យធ្វើតេស្តកូវីដ-១៩ មុនការធ្វើដំណើរនោះទេ ដោយបញ្ជាក់ថាការអនុវត្តនេះនឹងចាប់ពីថ្ងៃទី ១ ខែមេសានេះតទៅ។

វេជ្ជបណ្ឌិត សំម៉ានេ វ៉ាត់ឆារ៉ាសិន (Sumanee Wacharasint) អ្នកនាំពាក្យមជ្ឈមណ្ឌលគ្រប់គ្រងស្ថានភាពកូវីដ-១៩ បាននិយាយថា ការតម្រូវឱ្យធ្វើតេស្ត PT-PCR មុនពេលធ្វើដំណើរនឹងបញ្ចប់សម្រាប់អ្នកដែលមកដល់ថៃ ដោយអនុវត្តម្មវិធី Test & Go, Sandbox និងកម្មវិធីដាច់ពីគេ ដែលចាប់ផ្តើមពីថ្ងៃសុក្រនេះ។

អ្នកដែលចូលប្រទេសតាមរយៈកម្មវិធីណាមួយនឹងត្រូវបានផ្តល់ការធ្វើតេស្ត RT-PCR នៅពេលមកដល់។ វេជ្ជបណ្ឌិត Sumanee បាននិយាយថា ពួកគេនឹងតម្រូវឱ្យធ្វើតេស្ដដោយខ្លួនឯងនូវអង់ទីហ្សែននៅថ្ងៃទី 5 បន្ទាប់ពីមកដល់ ហើយត្រូវបានត្រួតពិនិត្យនៅសណ្ឋាគាររបស់ពួកគេ។

មជ្ឈមណ្ឌលគ្រប់គ្រងស្ថានភាពកូវីដ-១៩  ក៏បានកែសម្រួលប្រព័ន្ធកូដពណ៌ដោយបន្ថយចំនួនខេត្តដែលបានកំណត់ជាតំបន់ពណ៌ទឹកក្រូចគ្រប់គ្រងពី 44 ទៅ 20 ខណៈដែលចំនួនខេត្តដែលត្រូវបានចាត់ថ្នាក់ជាតំបន់លឿងដែលមានការឃ្លាំមើលខ្ពស់ត្រូវបានកើនឡើងពី 25 ទៅ 47។ លោកវេជ្ជបណ្ឌិត Sumanee បាននិយាយថា ចំនួនខេត្តដែលត្រូវបានចាត់តាំងជាតំបន់ពណ៌ខៀវ និងផ្សព្វផ្សាយសម្រាប់វិស័យទេសចរណ៍ត្រូវបានកើនឡើងពីប្រាំបីទៅ 10 ដោយក្នុងនោះរួមមានខេត្តឈៀងម៉ៃ និងខេត្តផាត់ចាបុរី៕ ​បាងកក់ប៉ុស្តិ៍