ប៉ុន្មានថ្ងៃមកនេះ ឃើញថា ភ្លៀងបានធ្លាក់នៅទូទាំងប្រទេស ហើយតំបន់ខ្លះក៏ទទួលរងនូវខ្យល់កន្រ្តាក់ និងភ្លៀងធ្លាក់យ៉ាងគំហុកតែម្តង ដែលធ្វើឲ្យផ្ទះសម្បែងរបស់ប្រជាពលរដ្ឋមួយចំនួនរងការខូចខាត និងផលដំណាំផងដែរ។
ជាក់ស្តែង កាលពីពេលថ្មីៗនេះ ភ្លៀងធ្លាក់យ៉ាងខ្លាំង បានបណ្តាលឲ្យរោងការមួយ ត្រូវទឹកជន់លិចដ៏មិននឹកស្មាន ដែលធ្វើឲ្យម្ចាស់ដើមការ ជាពិសេសកូនកំលោះ បានចេញវីដេអូសើចទាំងបង្ខំ ព្រោះតែមង្គលការរបស់ខ្លួន ត្រូវភ្លៀងលិចអស់ទៅហើយ។ រោងការក្លាយជាសមុទ្រនេះ បានកើតឡើងនៅឃុំ ក្រាំងលាវ ស្រុកបាទី ខេត្តតាកែវ កាលថ្ងៃទី២ ខែមេសា ឆ្នាំ២០២២។
ក្រោយពីបានឃើញទិដ្ឋភាពបែបនេះ អ្នកលេងបណ្តាញសង្គម បានសម្តែងការសោកស្តាយជាខ្លាំង និងបានបញ្ចេញអារម្មណ៍មួយនេះថា «អាណិតម្ចាស់កម្មពិធីណាស់ អារម្មណ៍គេ អារម្មណ៍យើង, បែបនេះតើឲ្យភ្ញៀវមកអង្គុយហូបយ៉ាងម៉េច ខាតងាប់ហើយ,…»៕ រក្សាសិទ្ធិដោយ៖ លឹម ហុង
