ទីក្រុងសៀងហៃ៖ ប្រព័ន្ធផ្សព្វផ្សាយរដ្ឋបាននិយាយថា ចំនួននៃការធ្វើដំណើររបស់ប្រជាជនចិនដែលបានធ្វើឡើងក្នុងពិធីបុណ្យឆេងម៉េងរយៈពេលបីថ្ងៃរបស់ប្រទេសចិនបានធ្លាក់ចុះជិត 2 ភាគ 3 ធៀបនឹងឆ្នាំមុន នេះបើយោងតាមទិន្នន័យពីក្រសួងដឹកជញ្ជូន ខណៈដែលអាជ្ញាធរ កំពុងប្រយុទ្ធប្រឆាំងនឹងការរីករាលដាលនៃមេរោគ COVID-19 នៅទូទាំងប្រទេស។
ការធ្លាក់ចុះនេះគឺអាក្រក់ជាងការរំពឹងទុក ហើយកើតឡើងនៅពេលដែលអ្នកវិភាគព្រមានថា ការចំណាយសេដ្ឋកិច្ចក្នុងការទប់ស្កាត់ពីការឆ្លងវីរុសកូវីដ-១៩ ឱ្យនៅកម្រិតអប្បបរមាទំនងជានឹងកើនឡើង ដោយសារវិស័យដូចជាទេសចរណ៍នឹងទទួលរងនូវផលប៉ះពាល់ដ៏ធំបំផុត។
ការធ្វើដំណើរសរុប – រួមទាំងផ្លូវដែក ផ្លូវអាកាស ផ្លូវទឹក និងផ្លូវថ្នល់ – បានឈានដល់ការប៉ាន់ប្រមាណចំនួន 53.78 លានក្នុងរយៈពេល 3 ថ្ងៃដែលចាប់ផ្តើមនៅថ្ងៃទី 3 ខែមេសា ធ្លាក់ចុះ 63 ភាគរយ នេះបើតាមការចេញផ្សាយពីគេហទំព័រឌៀលីម៉ែល
តួលេខនេះក៏ទាបជាងឆ្នាំ ២០២០ ប្រហែល ១០ ភាគរយផងដែរ នៅពេលដែលផ្នែកខ្លះនៃប្រទេសចិនបានធូរស្រាលវិញបន្ទាប់ពីការផ្ទុះឡើងនៃមេរោគឆ្លងដំបូងដែលបានចាប់ផ្តើមនៅក្នុងទីក្រុង Wuhan ភាគកណ្តាលប្រទេសចិន។
ការធ្វើដំណើរតាមផ្លូវអាកាសគឺធ្លាក់ចុះអាក្រក់បំផុត ដោយចំនួនជើងហោះហើរសរុបបានធ្លាក់ចុះមកនៅត្រឹម 562,000 ដែលត្រូវបានប៉ាន់ប្រមាណថាធ្លាក់ចុះ 87 ភាគរយធៀបនឹងឆ្នាំមុន និង 54 ភាគរយនៅឆ្នាំ 2020 ។ ការធ្វើដំណើរតាមផ្លូវគោកបានធ្លាក់ចុះ 53 ភាគរយក្នុងឆ្នាំនេះ ហើយក៏ទាបជាងបន្តិចផងដែរ។
ក្រសួងដឹកជញ្ជូនរបស់ប្រទេសចិនបាននិយាយកាលពីថ្ងៃអាទិត្យថា ខ្លួនរំពឹងថាចរាចរណ៍ផ្លូវគោកនឹងធ្លាក់ចុះ 20 ភាគរយ ហើយជើងហោះហើរនឹងធ្លាក់ចុះ 55 ភាគរយក្នុងអំឡុងពេលថ្ងៃឈប់សម្រាករយៈពេល 3 ថ្ងៃ៕