ជាការពិតណាស់ មន្រ្តីប៉ូលីសមួយចំនួនតូច ព្រោះតែដើម្បីបានការផាកពិន័យ បានប្រព្រឹតនូវទង្វើដ៏មិនសមរម្យ ទៅលើអ្នកបើកបរល្មើសច្បាប់ ក្នុងនោះវិធីតែមួយគត់ គឺចាំកាក់ស្ទុះវាយ ឬធាក់ម៉ូតូ ដើម្បីកុំអ្នកបើកបរល្មើសគេចខ្លួនបាន។ តែទោះយ៉ាងណា ទង្វើបែបនេះ ត្រូវបានសាធារណៈជនសម្តែងការខឹងសម្បារ ខណៈមន្រ្តីថ្នាក់លើអនុវត្តច្បាប់ក៏មិនគាំទ្រនោះដែរ។
ប៉ុន្តែ អ្វីដែលមិននឹកស្មានដល់នោះ គឺថាករណីនេះ មិនមែនកើតមានតែនៅក្នុងប្រទេសកម្ពុជាទេ តែសូម្បីតែនៅក្នុងប្រទេសឥណ្ឌូណេស៊ី ក៏មានមន្រ្តីប៉ូលីសខូចមួយចំនួនធ្វើបែបនេះដែរ។ ជាក់ស្តែង វីដេអូមួយដែលត្រូវបានកត់ត្រានៅក្នុងទីក្រុងTangerang បានបង្ហាញប៉ូលិសពីរនាក់ឈរដោះស្រាយជាមួយអ្នកជិះម៉ូតូល្មើសច្បាប់ពីរនាក់នៅលើចិញ្ចើមផ្លូវ។ ប៉ុន្តែ អ្វីដែលគួរឲ្យភ្ញាក់ផ្អើលនោះ គឺនៅពេលឃើញយុវជនម្នាក់ជិះម៉ូតូអត់ពាក់មួកសុវត្ថិភាពចូលមកដល់ ភ្លាមនោះៗប៉ូលិសភ្នែកវៃម្នាក់ក្នុងចំណោម២នាក់ក៏បានស្ទុះចេញទៅទាត់ធាក់ម៉ូតូទាន់ពេលវេលាតែម្តង។
ពិតជាស្តែងៗណាស់ មួយទំហឹងជើងរបស់ប៉ូលីសរូបនោះ បានបណ្តាលឱ្យម៉ូតូយ៉ាម៉ាហា និងអ្នកបើកបរមិនពាក់មួកសុវត្ថិភាពដួលទៅលើថ្នល់តែម្តង ប៉ុន្តែ សំណាងល្អហើយដែលម៉ូតូបានបុកជាមួយរថយន្ត១គ្រឿង ដែលកំពុងធ្វើដំណើរស្របជាមួយគ្នា។ បន្ទាប់មកប៉ូលិសនោះ ក៏បានដើរទៅទាត់យុវជននោះមួយជើងថែមទៀតផង។
វីដេអូឃ្លីបនេះ បន្ទាប់ពីបានបង្ហោះឡើងនៅលើអុីនធើរណែត ឃើញថាទទួលបានការចាប់អារម្មណ៍យ៉ាងខ្លាំង ជាមួយមតិភាគច្រើន បានខឹងសម្បារទៅនឹងទង្វើរបស់ប៉ូលីសម្នាក់នោះជាខ្លាំង។
បន្ទាប់មក អត្តសញ្ញាណ និងអង្គភាពរបស់ប៉ូលីសទាំងពីរនាក់នេះ ត្រូវបានកំណត់។ ស្នងការប៉ូលិសកោះជ្វាខាងកើតបានបញ្ជាក់ថា ទោះមានមូលហេតុយ៉ាងណាក៏ដោយ ទង្វើរបស់ប៉ូលិសម្នាក់នោះ គឺខុសហើយ៕ រក្សាសិទ្ធិដោយ៖ លឹម ហុង
