យន្តហោះដឹកទំនិញ Boeing 757-200 ដំណើរការដោយ DHL បានធ្វើការចុះចតជាបន្ទាន់នៅអាកាសយានដ្ឋានអន្តរជាតិ Juan Santamaria របស់ប្រទេសកូស្តារីកា ហើយបានរអិលចេញពីផ្លូវរត់ បណ្តាលឲ្យបាក់ជាពីរស្តែងៗតែម្តង នៅផ្នែកកន្ទុយរបស់វា។
DHL ដែលជាផ្នែកមួយនៃក្រុមហ៊ុន Deutsche Post AG បាននិយាយថា នាវិកមិនមានរបួសអ្វីទេ ហើយសមាជិកម្នាក់ កំពុងស្ថិតក្រោមការត្រួតពិនិត្យយ៉ាងយកចិត្តទុកដាក់ ពីផ្នែកវេជ្ជសាស្ត្រ ។
រូបភាពពីកាសែតកូស្តារីកា La Nacion បានបង្ហាញយន្តហោះពណ៌លឿង ដែលមានស្លាកសញ្ញា DHL ត្រូវបានពន្លត់ដោយពពុះពន្លត់អគ្គីភ័យ បន្ទាប់ពីវាបានចុះចតនៅលើវាលស្មៅក្បែរផ្លូវរត់។ រូបថតបានបង្ហាញថា កន្ទុយរបស់វាបានដាច់ ហើយស្លាបមួយបានបាក់។
លោក Luis Miranda Munoz នាយករងស៊ីវិលនៃអាជ្ញាធរអាកាសចរណ៍របស់ប្រទេសកូស្តារីកា បាននិយាយថា យន្តហោះនេះ ដែលត្រូវចេញដំណើរទៅកាន់ប្រទេស Guatemala នៅពេលនោះ វាទំនងជាមានបញ្ហានៅក្នុងប្រព័ន្ធទឹក។ គាត់បាននិយាយថា បញ្ហានេះបានជំរុញឱ្យអ្នកបើកយន្តហោះ ស្នើសុំចុះចតជាបន្ទាន់ភ្លាមៗ បន្ទាប់ពីការហោះហើរ។
DHL បាននិយាយថា “ក្រុមឆ្លើយតបឧបទ្ទវហេតុរបស់ DHL ត្រូវបានធ្វើយ៉ាងសកម្ម ហើយការស៊ើបអង្កេត នឹងត្រូវបានធ្វើឡើងជាមួយអាជ្ញាធរពាក់ព័ន្ធ ដើម្បីកំណត់នូវអ្វីដែលបានកើតឡើង”។
ប្រតិបត្តិករអាកាសយានដ្ឋាន Aeris បាននិយាយថា អាកាសយានដ្ឋាននៅជាយក្រុង San Jose បានបើកដំណើរការឡើងវិញនៅម៉ោង 3.30 នាទីរសៀល (ម៉ោងក្នុងស្រុក) ប្រហែល៥ម៉ោងបន្ទាប់ពីយន្តហោះជួបគ្រោះថ្នាក់ និងលឿនជាងការរំពឹងទុកជាច្រើនម៉ោង។
Aeris បាននិយាយថា អ្នកដំណើរប្រហែល ៨,៥០០ នាក់ និងជើងហោះហើរពាណិជ្ជកម្ម និងទំនិញចំនួន ៥៧ ត្រូវបានរងផលប៉ះពាល់ដោយការបិទនេះ៕ រក្សាសិទ្ធិដោយ៖ លឹម ហុង
