ជាធម្មតា យើងគ្រប់គ្នាតែងឃើញទុរេនមានបន្លាមុតស្រួច និងរឹង ប៉ុន្តែ សម្រាប់ទុរេនគ្មានបន្លាបែបនេះ គឺពិតជារឿងដ៏ចម្លែក ស្ទើរតែមិនគួរឲ្យជឿ។
ជាក់ស្តែង នេះគឺជាប្រភេទទុរេនដែលបង្កាត់ដោយជោគជ័យ ដោយអ្នកវិទ្យាសាស្ត្រនៃក្រសួងកសិកម្មឥណ្ឌូណេស៊ី បន្ទាប់ពីការខិតខំប្រឹងប្រែងអស់រយៈពេល ១២ ឆ្នាំ ជំនួសឱ្យការមានស្រទាប់ស្តើង និងរឹងដូចធម្មតា ទុរេនប្រភេទនេះមានរូបរាងស្រដៀងគ្នាផ្លែ More Melon ដែលមានសំបករលោង។
សំបកផ្លែទុរេននេះ គឺស្តើងជាងប្រភេទទុរេនទូទៅបន្តិច ហើយមានរសជាតិផ្អែមជាង។ លើសពីនេះ វាអាចឱ្យអ្នកបរិភោគបកសំបកចេញបានយ៉ាងងាយ ដោយមិនត្រូវមុតដៃដូចប្រភេទទុរេនដទៃទៀតនោះទេ។
គម្រោងបង្កើតទុរេនគ្មានបន្លានេះ បានចាប់ផ្តើមនៅឆ្នាំ ២០០៧ នៅក្នុងភូមិ Trenggaluh ក្បែរភ្នំ Rinjani ក្នុងប្រទេសឥណ្ឌូនេស៊ី ប៉ុន្តែវាត្រូវចំណាយពេលជាងមួយទស្សវត្សរ៍ សម្រាប់ក្រុមក្នុងការផលិតផ្លែចម្លែកនេះដោយជោគជ័យ។
ផ្លែឈើនេះមានរសជាតិស្រដៀងទៅនឹងប្រភេទទុរេនទូទៅ ហើយថែមទាំងផ្អែមជាង ដែលផ្តល់សក្តានុពលខ្ពស់សម្រាប់ការប្រកួតប្រជែង ប៉ុន្តែបញ្ហាប្រឈមធំបំផុត គឺការបន្តពូជ។
យោងតាមប្រធានក្រុមស្រាវជ្រាវ លោក Maisin បានឲ្យដឹងថា ពួកគេត្រូវជ្រើសរើសគ្រាប់ពូជចំនួន ២៣០០០ គ្រាប់ ហើយមានតែ ២% នៃគ្រាប់ពូជដែលដុះលូតលាស់ និងលូតលាស់បានល្អ ពួកគេហៅរុក្ខជាតិនេះថា Gundul durian ។
ជាក់ស្តែង មុននោះ ប្រទេសហ្វីលីពីនក៏ទទួលបានជោគជ័យ ក្នុងការបង្កើតទុរេនគ្មានបន្លា ក្នុងទសវត្សរ៍ឆ្នាំ១៩៥០ នៅជ្រលងភ្នំ Compostela ទីក្រុង Davao។ ទោះជាយ៉ាងណាក៏ដោយ រុក្ខជាតិនេះមានរសជាតិមិនល្អ ដូច្នេះវាមិនត្រូវបានបន្តពូជយ៉ាងទូលំទូលាយទេ៕ រក្សាសិទ្ធិដោយ៖ លឹម ហុង
