នេះជាខណៈពេលដ៏រន្ធត់ នៅពេលដែលបានឃើញស្តែងៗ រថភ្លើងធ្លាក់ចេញពីផ្លូវដែកដ៏សាហាវ ក្រោយពីបុកគ្នាពេញទំហឹង។ ឧបទ្ទវហេតុនេះបានកើតឡើងកាលពីថ្ងៃទី១៤ ខែមេសា នៅឯស្ពានរថភ្លើងក្នុងទីក្រុង Tianjin ប្រទេសចិន ហើយត្រូវបានអ្នកស្រុកថតបាន។
រូបភាពវីដេអូបានបង្ហាញឲ្យឃើញថា រថភ្លើងដឹកទំនិញពីរខ្សែបានបុកគ្នា ខណៈពេលកំពុងធ្វើដំណើរឆ្លងកាត់ស្ពានរថភ្លើង។ អ្នកបើកបររថភ្លើងបានលោតចេញមុនពេលកើតហេតុ។ សំណាងល្អ ពួកគេបានរងរបួសស្រាលតែប៉ុណ្ណោះ ហើយមិនមានអ្នករងរបួសនោះទេ។
យោងតាមប្រភពក្នុងស្រុក រថភ្លើងនៅស្ថានីយ៍ Cuipingshan បានរអិលថយក្រោយ បន្ទាប់មកបានបុកជាមួយរថភ្លើងដែលកំពុងធ្វើដំណើរចូលមកបន្ទាប់តែម្តង។
ជាលទ្ធផល ទូររថភ្លើងដឹកទំនិញចំនួន ១៧ គ្រឿង បានធ្លាក់ពីលើផ្លូវដែក និង ១១ គ្រឿងផ្សេងទៀត បានធ្លាក់នៅក្រោមស្ពានរថភ្លើង។ អាជ្ញាធរផ្លូវដែកបាននិយាយថា ពួកគេកំពុងស៊ើបអង្កេតរកមូលហេតុនៃគ្រោះថ្នាក់នេះ៕ រក្សាសិទ្ធិដោយ៖ លឹម ហុង
