ឧត្តរមានជ័យ ៖ ជនត្រូវចោទទាំង ៣នាក់ ដែលបានរំលោភ និងសម្លាប់ ប្រព្រឹត្តនៅចំណុចមាត់អូរ ផ្លូវលេខ១១ ភូមិចំការចេក សង្កាត់អូរស្មាច់ ក្រុងសំរោង ខេត្តឧត្តរមានជ័យ កាលពី ថ្ងៃទី១៥ ខែមេសា ឆ្នាំ២០២២។ នៅព្រឹកថ្ងៃទី២២ ខែមេសា ឆ្នាំ២០២២នេះ ត្រូវបានលោក យិន វិសិដ្ឋ ចៅក្រមស៊ើបសួរសាលាដំបូងខេត្តឧត្តរមានជ័យ សម្រេចឃុំខ្លួនបណ្តោះអាសន្ន ដោយជននេះត្រូវបានដាក់ឲ្យស្ថិតក្រោមការពិនិត្យ ពីបទឃាត.កម្មដោយមានអំពើឃោ.រឃៅ និងអំពើរំ.លោភសេព.សន្ថវៈ និងត្រូវផ្ដន្ទាទោសតាមបទបញ្ញត្តិមាត្រា ២០៥ នៃក្រមព្រហ្មទណ្ឌ
ករណីឃាត.កម្ម (រំលោភសម្លាប់) នៅសង្កាត់អូរស្មាច់ ត្រូវបានកម្លាំងជំនាញផែនការងារនគរបាលព្រហ្មទណ្ឌខេត្ត សហការជាមួយកម្លាំង នៃអធិការដ្ឋាននគរបាលក្រុងសំរោង បំបែកបានសម្រច ព្រមទាំងឃាត់ខ្លួនជនសង្ស័យបានចំនួន ៣នាក់។
ដោយមានណែនាំនិងចង្អុលបង្ហាញពីសំណាក់ ឯកឧត្ដម នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការ នគរបាលជាតិ និងមានការសម្របសម្រួលនីតិវិធីពី ឯកឧត្តម តូច សុភក្ដី ព្រះរាជអាជ្ញា នៃអយ្យការអមសាលាដំបូងខេត្ត នៅថ្ងៃទី១៨ ខែមេសា ឆ្នាំ២០២២ លោកឧត្តមសេនីយ៍ទោ ហួត សុធី ស្នងការនគរបាលខេត្ត បានចុះដឹកនាំកម្លាំងជំនាញនៃអធិការដ្ឋាននគរបាលក្រុងសំរោង និងកម្លាំងផែនការងារនគរបាលព្រហ្មទណ្ឌផ្ទាល់ ចុះស្រាវជ្រាវ ស៊ើបអង្កេត និងបំបែកសំណុំរឿង ករណីឃា.តកម្ម(រំ.លោភស.ម្លាប់) នៅសង្កាត់អូរស្មាច់ ក្រុងសំរោង ខេត្តឧត្តរមានជ័យ បានដោយជោគជ័យ ។
ក្នុងកិច្ចប្រតិបត្តិការខាងលើនេះ កម្លាំងជំនាញយើង បានធ្វើការស្រាវជ្រាវស៊ើបអង្កេត និងកំណត់បានមុខសញ្ញា ឈានទៅដល់ការឃាត់ខ្លួនជនសង្ស័យ បានចំនួន ២ នាក់ មានឈ្មោះដូចខាងក្រោម៖ ទី១. ឈ្មោះ ភាក់ សីហា ភេទប្រុស អាយុ ១៨ឆ្នាំ មានទីលំនៅភូមិអូពក សង្កាត់កូនគ្រៀល ក្រុងសំរោង ខេត្តឧត្តរមានជ័យ ទី២. ឈ្មោះ ភាជ សុជាតិ ភេទប្រុស អាយុ ១៧ឆ្នាំ មានទីលំនៅភូមិអភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ ។
ក្រោយពីបានធ្វើការសាកសួរជនដៃដល់ទាំង ២ នាក់ ខាងលើនេះរួច ពួកគេបានសារភាពថា៖ គឺនៅមានបក្ខពួកខ្លួនម្នាក់ទៀត បានចូលរួមធ្វើសកម្មភាពចាប់រំ.លោភបូកជាមួយពួកខ្លួនផងដែរ ។ បន្ទាប់មក រហូតដល់ម៉ោង ២និង០០នាទី ឈានចូលថ្ងៃទី១៩ កម្លាំងជំនាញ ក៏បានធ្វើការឃាត់ខ្លួនជនសង្ស័យថែមម្នាក់ទៀត មានឈ្មោះ ត្រយ ចិត្រា ភេទប្រុស អាយុ ១៥ឆ្នាំ នៅភូមិអភិវឌ្ឍន៍ សង្កាត់អូរស្មាច់ ក្រុងសំរោង ខេត្តឧត្តរមានជ័យ ។
ក្រោយមកទៀត ពេលកម្លាំងជំនាញធ្វើការសាកសួរបំភ្លឺ ជនសង្ស័យទាំង ៣ នាក់ ខាងលើអស់ហើយ ពួកគេបានឆ្លើយសារភាពថា រូបខ្លួនទាំង ០៣ នាក់ ពិតជាបានធ្វើសកម្មភាព លបស្ទាក់ចាប់ជនរងគ្រោះនៅតាមផ្លូវ ដើម្បីយកទៅរំ.លោភបូក រួចហើយវា.យស.ម្លាប់ និងបោះចូលទៅក្នុងទឹកអូរខាងត្បូងភូមិ ពិតប្រាកដមែន ។
សូមបញ្ជាក់ថា៖ កាលពីថ្ងៃទី១៥ ខែមេសា ឆ្នាំ២០២២ វេលាម៉ោងប្រហែល ២៣និង០០នាទី នៅចំណុចមាត់អូរខាងត្បូងភូមិ ស្ថិតក្នុងភូមិការចេក សង្កាត់អូរស្មាច់ ក្រុងសំរោង ខេត្តឧត្តរមានជ័យ មានកើតករណី រំ.លោភស.ម្លាប់ ដែលបង្កឡើងដោយជនសង្ស័យមិស្គាល់អត្តសញ្ញាណ បានធ្វើសកម្មភាពចាប់ជនរងគ្រោះឈ្មោះ ឡុង គឹមឡាយ ភេទស្រី អាយុ ១៧ឆ្នាំ មានទីលំនៅភូមិកើតហេតុ បានរំ.លោភ និងវា.យស.ម្លាប់ រួចបោះសាក.សពចូលទៅក្នុងទឹកអូរខាងត្បូង ភូមិចំការចេក ។
បច្ចុប្បន្នជនសង្ស័យទាំង ៣នាក់ ខាងលើ ត្រូវបានឃាត់ខ្លួននាំមកកាន់ស្នងការដ្ឋាននគរបាលខេត្តឧត្តរមានជ័យ ដើម្បីរៀបចំកសាងសំណុំរឿងតាមនីតិវិធី បញ្ជូនទៅកាន់សាលាដំបូងខេត្ត ចាត់ការបន្តតាមផ្លូវច្បាប់ ៕ រក្សាសិទ្ធិដោយ ៖ សុទ្ធ លី
