សេអ៊ូល៖ នាយករដ្ឋមន្ត្រីកូរ៉េខាងត្បូង លោក Kim Boo-kyum បានប្រកាសនៅថ្ងៃសុក្រនេះថាខ្លួននឹងលើកលែងការពាក់ម៉ាស់នៅសាធារណៈ ដោយចាប់ផ្តើមនៅសប្តាហ៍ក្រោយ ដែលជាជំហានចុងក្រោយបង្អស់របស់ប្រទេស ដើម្បីបន្ធូរបន្ថយការរឹតបន្តឹងលើ COVID-19 ខណៈដែលខ្លួនរៀនរស់មេរោគបំប្លែងថ្មីOmicron ។
ការប្រកាសនេះនឹងកើតឡើងពីរសប្តាហ៍បន្ទាប់ពីប្រទេសកូរ៉េខាងត្បូងបានលុបចោលការប្រុងប្រយ័ត្នភាគច្រើនទាក់ទងនឹងជំងឺរាតត្បាតរបស់ខ្លួន រួមទាំងបម្រាមគោចរពាក់កណ្តាលអធ្រាត្រលើភោជនីយដ្ឋាន និងអាជីវកម្មផ្សេងទៀតនៅថ្ងៃទី 18 ខែមេសា។
លោក Kim បាននិយាយក្នុងអំឡុងកិច្ចប្រជុំឆ្លើយតបនឹង COVID-19 ថា ប្រជាជននៅតែតម្រូវឱ្យពាក់ម៉ាស់ ទោះបីជាយ៉ាងណាក៏ដោយ នៅក្នុងព្រឹត្តិការណ៍ដែលមានអ្នកចូលរួម 50 នាក់ ឬច្រើនជាងនេះ ដូចជានៅឯការជួបជុំ ការប្រគំតន្ត្រី និងកីឡដ្ឋានកីឡាជាដើម។ ចំនួនករណីឆ្លងជំងឺកូវីដ១៩ នៅក្នុងប្រទេសកូរ៉េខាងត្បូង បាននិងកំពុងធ្លាក់ចុះក្រោម 100,000 ក្នុងមួយថ្ងៃ បន្ទាប់ពីឡើងដល់ជាង 620,000 នាក់ក្នុងមួយថ្ងៃនៅពាក់កណ្តាលខែមីនា។
គួរបញ្ជាក់ថា ជិត 87 ភាគរយនៃចំនួនប្រជាជន 52 លាននាក់របស់ប្រទេសនេះត្រូវបានចាក់វ៉ាក់សាំងពេញលេញហើយ 65 ភាគរយក៏ទទួលដុសជំរុញផងដែរ នេះបើយោងតាមទិន្នន័យរបស់ទីភ្នាក់ងារគ្រប់គ្រងនិងការពារជំងឺកូរ៉េ៕ ប្រភព៖ រ៉យទ័រ
