ត្រឹមរយៈពេលមួយខែ បន្ទាប់ពីបំណែកយន្តហោះអាថ៌កំបាំងមួយ ត្រូវបានបោកបក់នៅលើឆ្នេរ Pak Phanang ខេត្ត Nakhon Si Thammarat, នោះបំណែកដ៏គួរឱ្យភ្ញាក់ផ្អើលមួយទៀតនៃយន្តហោះដ៏ធំមួយ ក៏បាន «ចុះចត» នៅឆ្នេរក្បែរនោះទៀត ដែលធ្វើឱ្យមានការសង្ស័យថា បំណែកទាំងនេះ អាចជារបស់យន្តហោះម៉ាឡេស៊ី MH370 ដែលបានបាត់ខ្លួនដ៏អាថ៌កំបាំងជាមួយមនុស្ស 239 នាក់នៅលើនោះ កាលពីថ្ងៃទី៨ ខែមីនា ឆ្នាំ២០១៤។
លោក Prayut Thanwattana មេឃុំ Laem Talumpuk ស្រុក Pak Phanang បាននិយាយថា បំណែកបាក់បែកនោះ មានទទឹងប្រហែល ១,២០ ម៉ែត្រ បណ្តោយ ៣ ម៉ែត្រ មើលទៅដូចជាអាលុយមីញ៉ូម មានកំរាស់ ២ មីលីម៉ែត្រ និងជាមួយផ្នែកខាងក្រោមស្រោបដោយសម្ភារៈដូចសំបុកឃ្មុំ។
ខណៈពេលដែលផ្នែកខាងក្រៅត្រូវបានស្រោបដោយថ្នាំលាបពណ៌សស្រដៀងទៅនឹងយន្តហោះដឹកអ្នកដំណើរផ្សេងទៀត នោះលក្ខណៈពិសេសសំខាន់មួយ គឺវាមានឆ្នូតក្រហមនៅលើវា និងផ្កាយពណ៌លឿងមាសចំនួនបួន។ គ្មានលេខត្រូវបានគេប្រទះឃើញនៅផ្នែកខាងក្នុងទេ ប៉ុន្តែមានដាននៃការរហែកយ៉ាងលឿន និងមានសណ្ឋានស្រដៀងនឹងការផ្ទុះ។
តាមការពិនិត្យ បំណែកនេះក៏បានបង្ហាញថាវាអាចស្ថិតនៅក្នុងសមុទ្រជាយូរមកហើយ។
នៅថ្ងៃទី១៥ ខែមីនា ឆ្នាំ២០២២ សន្លឹកដែកកោងបណ្តោយប្រវែង 3.16 ម៉ែត្រ និងទទឹងប្រវែង 1.80 ម៉ែត្រ នៃយន្តហោះដែលមានលេខកូដ CCBU 07ZS បានឆ្លាក់នៅលើវា នៅឆ្នេរ Pak Phanang ។ អ្នកយកព័ត៌មានក្នុងស្រុកបាននិយាយថា នេះគឺជាបំណែកយន្តហោះដ៏គួរឱ្យភ្ញាក់ផ្អើលមួយ ក្នុងចំណោមបំណែកយន្តហោះដ៏គួរឱ្យភ្ញាក់ផ្អើលចំនួនបី ដែលបានបោកបក់មកលើច្រាំង ជាមួយនឹងមួយក្នុងចំណោមបំណែកទាំងនោះ ដែលបានធ្វើកាលពីឆ្នាំ ២០១៥ ។
បើទោះជាបំណែកទាំងអស់នោះត្រូវបានគេអះអាងថា ជាបំណែកយន្តហោះយ៉ាងណាក៏ដោយ ប៉ុន្តែ ការខ្វះព័ត៌មានលម្អិតជាហេតុធ្វើឱ្យគេមិនអាចកំណត់អត្តសញ្ញាណលើពួកវាបន្ថែមទៀតបាន។
លោក ប្រាយុទ្ធ បាននិយាយថា នេះពិតជាបំណែកយន្តហោះ ប៉ុន្តែអ្វីដែលមិនទាន់ដឹងនោះគឺថា យន្តហោះប្រភេទណា វាជារបស់នរណា និងកន្លែងដែលវាបានធ្លាក់ មុនពេល «ចុះចត» នៅទីនេះ។
ដាននៅលើកំណាត់ដែកបង្ហាញថា វាស្ថិតនៅក្នុងសមុទ្រប្រហែល 10 ឆ្នាំមកហើយ ហើយគាត់ចង់ឱ្យមន្ត្រីពិនិត្យមើលវាឱ្យបានហ្មត់ចត់ ដើម្បីកំណត់ថាតើវាបានដាច់ចេញពីជើងហោះហើរ MH370 ដែលបាត់នោះ ហើយថាតើវានឹងអាចដោះស្រាយអាថ៌កំបាំងអន្តរជាតិដែរឬទេ៕ រក្សាសិទ្ធដោយ៖ លឹម ហុង
