ចាប់តាំងពីបណ្តាញសង្គម ជាពិសេសហ្វេសប៊ុក និង TikTok បានក្លាយជាទីកន្លែងដ៏មានប្រជាប្រិយបំផុត អ្នកនិយមលេងជាច្រើន តែងបង្កើតវីដេអូប្លែកៗ ដើម្បីទាក់ទាញការចូលទស្សនា និងឲ្យបេះដូង។
តែយ៉ាងណាមិញ សម្រាប់ស្រ្តីរូបស្រស់ស្អាតម្នាក់នេះវិញ បានកំពុងធ្វើឲ្យគ្រប់គ្នានៅលើបណ្តាញសង្គម ពិតជាមានការភ្ញាក់ផ្អើល និងហួសចិត្តរកគិតមិនយល់ ក្រោយពីបានឃើញសកម្មភាពរបស់ស្រីស្អាតរូបនេះ ដែលបានធ្វើរឿងដ៏ចម្លែកយកដៃផ្តិតក្រែមពីមាត់រូបបដិមាករ មកលេបបបូរមាត់ខ្លួន និងបង្ហាញក្តីស្រលាញ់យ៉ាងខ្លាំងចំពោះរូបបដិមាករមួយអង្គនោះ ដែលសូម្បីឱបថើបទៀតផង។
ជាមួយសកម្មភាពដ៏ចម្លែកនេះ អ្នកលេងបណ្តាញសង្គមជាច្រើន បានលាន់មាត់ហួសចិត្តបែបនេះថា៖ «បែកទេដឹង, ឆ្ងល់ហេតុអីមនុស្សស្រីម្នាក់ហ្នឹងគាត់ធ្វើចឹង មិនយល់ប្លែកៗគ្រប់ពេលតែម្ដង, កូវីដងាប់ហើយចែ,…»។ តែអ្នកខ្លះបានយល់ឃើញថា ស្រ្តីរូបនេះមកធ្វើបែបនេះ គឺដើម្បីបួងសួងសូមបារមីពីព្រះអង្គ ដើម្បីជោគជ័យ, បុគ្គលជោគជ័យ ភាគច្រើនបានពីមាត់, មិនថាប្រុសឬស្រី នាងសូមឲ្យមាត់នាងមានជាតិផ្អែម,សំដីផ្អែម ,ទឹកមាត់ក៏ផ្អែម (មាត់ទិព្វ)។
តែទោះជាយ៉ាងណា ក្រោយពីបានឃើញទង្វើបែបនេះ គណនីមួយឈ្មោះថា Ran Sereyleakhena បានប្រាប់ឲ្យដឹងថា៖ «ម៉េចបានអ្នកមើលការអនុញ្ញាតឱ្យធ្វើបែបហ្នឹង? សង្ស័យដេញចេញម្នាក់ទៀតណាស់»។ គណនីខាងលើក៏បានបញ្ជាក់ឲ្យដឹងទៀតថា ទៅទីនោះមិនអនុញ្ញាតឱ្យធ្វើបែបនេះដាក់បដិមាសក្ការៈទេ លើកមុនមានអ្នកមកទាញនាងចេកចម អ្នកមើលការ ក៏មានបញ្ហាតែម្តង៕ រក្សាសិទ្ធិដោយ៖ លឹម ហុង
