ថ្មីៗនេះ ettoday បានរាយការណ៍ថា វីដេអូឃ្លីបមង្គលការមួយបានកំពុងទទួលការចាប់អារម្មណ៍យ៉ាងខ្លាំង គ្រាដែលកូនកំលោះម្នាក់បានបង្ហាញទឹកមុខភ្ញាក់ផ្អើល បន្ទាប់ពីបានឃើញសម្រស់ម្តាយក្មេក។ ហេតុការណ៍នេះ បានកើតឡើងនៅក្នុងទីក្រុង Changdong ប្រទេសចិន ខណៈដែលកូនកំលោះកូនក្រមុំ ត្រូវបានដឹងថា ពួកគេទាំងពីរសម្រេចចិត្តរៀបការភ្លាមៗ បន្ទាប់រៀនចប់វិទ្យាល័យ។
ក្នុងថ្ងៃរៀបការ ខណៈកំពុងតែធ្វើពិធីកូនកំលោះស្រាប់តែផ្ទុះសំណើចកណ្តាលពិធីតែម្តង ដោយបង្ហាញទឹកមុខញញឹមអៀនខ្មាស និងទម្លាក់មុខចុះ បន្ទាប់ពីបានឃើញសម្រស់អនាគតម្តាយក្មេក ដែលពុំត្រឹមមានរូបសម្រស់ដ៏ស្រស់ស្អាតទេ តែថែមទាំងនៅក្មេងទៀតផង។
បើតាមការឲ្យដឹងថា ម្តាយក្មេកដ៏ស្រស់ស្អាតម្នាក់នេះ គឺមានវ័យទើបតែ ៣២ ឆ្នាំ ប៉ុណ្ណោះ ខណៈឪពុកក្មេកមានវ័យប្រហែល ៤០ ឆ្នាំ។
បន្ទាប់មកក៏មានគេបង្ហើបឱ្យដឹងថា មូលហេតុដែលម្តាយក្មេករូបនេះ មើលទៅនៅក្មេង គឺដោយសារនាងកើតក្នុងគ្រួសារក្រីក្រដែលជាហេតុធ្វើឱ្យនាងត្រូវរៀបការហើយមានកូនតាំងពីនៅវ័យក្មេងម្ល៉េះ។
អ្នកនិយមលេងអ៊ីនធឺណិតបានចូលរួមបញ្ចេញមតិភ្លូកទឹកភ្លូកដី ដោយខ្លះនិយាយថា “ខ្ញុំអាយុ ៣០ឆ្នាំហើយ តែរកមិនទាន់បានសូម្បីមិត្តស្រី ប៉ុន្តែ ម្តាយក្មេកដ៏ស្រស់ស្អាតម្នាក់នេះ មានអាយុទើបតែ ៣២ ឆ្នាំ តែនាងជិតក្លាយជាយាយគេហើយ,…»៕ រក្សាសិទ្ធិដោយ៖ លឹម ហុង