បន្ទាយមានជ័យ ៖ មន្រ្តីសមត្ថកិច្ចនគរបាលស្រុក មង្គលបូរី កាលពីថ្ងៃទី ៥ ខែ ឧសភា ឆ្នាំ ២០២២ នេះ បានចាប់ និងបញ្ជូនខ្លួន បុរសសង្ស័យ២នាក់ ទៅកាន់ស្ថាប័នអយ្យការអមសាលាដំបូងខេត្ត បន្ទាយមានជ័យ ដើម្បីចាត់ការតាមច្បាប់ ជាប់ពាក់ព័ន្ធនឹង លួចឈូសឆាយកា.ប់ ទន្ទ្រានដីព្រៃលិចទឹកតំបន់ ៣ មាត់បឹងទន្លេសាប ប្រព្រឹត្តនៅក្នុងភូមិដូនឡឹក ឃុំសំបួរ ស្រុកមង្គលបូរី ខេត្តបន្ទាយមានជ័យ ។
មន្ត្រីនគរបាលស្រុកមង្គលបូរីបានឲ្យដឹងថា ជនសង្ស័យ២នាក់មាន៖ ១-ឈ្មោះ រឹត ធី ភេទ ប្រុស អាយុ ៥៣ ឆ្នាំ ជាម្ចាស់ស្រែ ។ ២- ឈ្មោះ វ៉ាន់យ៉េន ភេទប្រុស អាយុ ៤៦ ឆ្នាំ ជាម្ចាស់ត្រាក់ទ័រ រស់នៅភូមិដូនឡឹក ឃុំសំបួរ ស្រុកមង្គលបូរី ។
ពួកគេត្រូវបាននគរបាលចាប់ខ្លួន កាលពីថ្ងៃទី ២៨ ខែមេសា ឆ្នាំ ២០២២ នៅក្នុងភូមិដូនឡឹក ឃុំសំបួរ ស្រុកមង្គលបូរី ខេត្តបន្ទាយមានជ័យ ។
បច្ចុប្បន្ននេះ ជនសង្ស័យ២នាក់ខាងលើ កំពុងតែសាកសួរ នៅឯ សាលាដំបូងខេត្តបន្ទាយមានជ័យ នៅឡើយ៕ រក្សាសិទ្ធិដោយ ៖ ចន្ទា ភា
