ហ្សឺណែវ៖ អង្គការសុខភាពពិភពលោក (WHO) បានប៉ាន់ប្រមាណកាលពីថ្ងៃព្រហស្បតិ៍ម្សិលមិញថា ជំងឺរាតត្បាតកូវីដ-១៩ (COVID-19) បានសម្លាប់មនុស្សចន្លោះពី ១៣,៣ លាននាក់ ទៅ ១៦,៦ លាននាក់ក្នុងឆ្នាំ ២០២០ និងឆ្នាំ ២០២១។
ការប៉ាន់ប្រមាណដែលរង់ចាំជាយូរមកហើយរបស់ WHO អំពីចំនួនអ្នកស្លាប់សរុបដែលបណ្តាលមកពីជំងឺរាតត្បាតរាតត្បាត – រាប់បញ្ចូលទាំងមនុស្សបាត់បង់ជីវិតដោយសារការប៉ះពាល់ផ្ទាល់និងប្រយោល បានចេញផ្សាយនូវចំនួនពីប៉ះពាល់ដ៏ធំនៃវិបត្តិនេះ។
“ការប៉ាន់ប្រមាណថ្មីពីអង្គការសុខភាពពិភពលោកបង្ហាញថាចំនួនអ្នកស្លាប់ទាំងស្រុងដែលទាក់ទងដោយផ្ទាល់ឬដោយប្រយោលជាមួយនឹងការរាតត្បាតនៃ COVID-19 ចន្លោះថ្ងៃទី 1 ខែមករា ឆ្នាំ 2020 និងថ្ងៃទី 31 ខែធ្នូ ឆ្នាំ 2021 គឺមានចំនួនប្រហែល 14.9 លាននាក់ (ចន្លោះពី 13.3 លាននាក់ទៅ 16.6 លាននាក់)” នេះបើតាមទីភ្នាក់ងារសុខភាពរបស់អង្គការសហប្រជាជាតិបានឲ្យដឹងក្នុងសេចក្តីថ្លែងការណ៍។
ប្រធានអង្គការសុខភាពពិភពលោក Tedros Adhanom Ghebreyesus បាននិយាយថា “ទិន្នន័យដ៏សោកសៅទាំងនេះមិនត្រឹមតែចង្អុលបង្ហាញពីផលប៉ះពាល់នៃជំងឺរាតត្បាតប៉ុណ្ណោះទេ ប៉ុន្តែថែមទាំងតម្រូវការសម្រាប់ប្រទេសទាំងអស់ក្នុងការវិនិយោគលើប្រព័ន្ធសុខភាពដែលធន់ជាងមុន ដែលអាចទ្រទ្រង់សេវាសុខភាពសំខាន់ៗក្នុងអំឡុងពេលមានវិបត្តិ រួមទាំងប្រព័ន្ធព័ត៌មានសុខភាពដែលរឹងមាំជាងមុន។ WHO បាននិយាយថា ភាគច្រើននៃការស្លាប់លើស – 84 ភាគរយ – ត្រូវបានកើតឡើងនៅអាស៊ីអាគ្នេយ៍ អឺរ៉ុប និងអាមេរិក៕ ប្រភព៖ AFP
