បាត់ដំបង ៖ កម្លាំងសមត្ថកិច្ចនគរបាលស្រុកបវេល កាលពីថ្ងៃទី៥ ខែឧសភា ឆ្នាំ២០២២ បានចុះបង្រ្កាប និង ឃាត់ខ្លួនជនសង្ស័យប្រុស-ស្រី ២នាក់ ពាក់ព័ន្ធនឹងការ រក្សាទុកដោយខុសច្បាប់ នូវសារធាតុញៀន ប្រព្រឹត្តនៅចំណុចភូមិព្រៃសង្ហា ឃុំខ្នាចរមាស ស្រុកបវេល ខេត្តបាត់ដំបង ។
សមត្ថកិច្ចនគរបាលស្រុកបវេលបាន ឲ្យដឹងថា ជនសង្ស័យ២នាក់មាន៖ ១-ឈ្មោះ ខឿន ដៀវ ភេទប្រុស អាយុ ២៣ឆ្នាំ ។ ២-ឈ្មោះ ឡាយ ច្រិប ភេទស្រី អាយុ ៣៦ឆ្នាំ ។ អ្នកទាំងពីរមានទីលំនៅ រស់នៅភូមិកោះរាម ឃុំខ្នាចរមាស ស្រុកបវេល ខេត្តបាត់ដំបង ។
ចំណែកវត្ថុតាងដែលសមត្ថកិច្ចដកហូតបានមាន៖ គ្រឿងញៀនប្រភេទម៉ាទឹកកក ចំនួន ១៦ កព្ជាប់ -ថ្នាំគ្រាប់រាងមូលសំប៉ែតពណ៌ផ្កាឈូកមានអក្សរបរទេស (WY) លើចំហៀង គ្រាប់ថ្នាំនីមួយៗចំនួន ៣០៦គ្រាប់ -ជញ្ជីងសម្រាប់ថ្លឹងចំនួន ០១គ្រឿង -ទូរស័ព្ទដៃចំនួន ០៣គ្រឿងចាស់ -ថង់សម្រាប់រំលែកថ្នាំញៀនមួយចំនួន ។
បច្ចុប្បន្ន, ជនសង្ស័យ២នាក់ខាងលើ ត្រូវបានៅបញ្ចូនមកស្នងការដ្ឋាននគរបាលខេត្ត បាត់ដំបង កំពុងតែរៀបចំបែបបទ និង កសាងសំណុំរឿង បញ្ជូនទៅកាន់តុលាការខេត្ត ដើម្បីចាត់ការតាមនីតិវិធី ៕ រក្សាសិទ្ធិដោយ ៖ ចន្ទា ភា
