មនុស្សជាច្រើន ត្រូវបានជឿថា ពិតជាភ្ញាក់ផ្អើល និងចាប់អារម្មណ៍ខ្លាំងតែម្តង នៅពេលបានឃើញ ជាពិសេស «ស្នែងដ៏ធំសម្បើម» របស់សត្វទាំងនេះ ដែលសូម្បីភ្លុកដំរីក៏មិនអាចប្រៀបបានឡើយ។
សត្វដែលមានស្នែងធំៗទាំងនេះ គឺជាប្រភេទសត្វគោដែលមានដើមកំណើតនៅទ្វីបអាហ្រ្វិក ហៅថា គោ Watusi ត្រូវបានគេស្គាល់ផងដែរថាជាគោ Ankole ស្នែងវែង និងជាសត្វគោ Ankole-Watusi (ឈ្មោះវិទ្យាសាស្ត្រ៖ Bos taurus indicus) ។ នេះគឺជាសត្វគោដែលដើរតួនាទីយ៉ាងសំខាន់ ក្នុងជីវិតរបស់ជនជាតិអាហ្វ្រិក។
រូបរាងរបស់ពួកវាមិនមានអ្វីពិសេសទេ បើធៀបនិងសត្វគោដទៃទៀត លើកលែងតែស្នែងធំពិសេសរបស់វាប៉ុណ្ណោះ។ ស្នែងធំជួយពួកវាប្រយុទ្ធ និងការពារខ្លួនពីសត្រូវដ៏គ្រោះថ្នាក់ និងក៏ដូចជានៅពេលប្រយុទ្ធជាមួយគ្នីគ្នារបស់ពួកវា ព្រោះតែដែនជម្រកទឹកដី។
គោ Watusi ពេញវ័យអាចមានទម្ងន់ពី 410 ទៅ 730 គីឡូក្រាម កម្ពស់ជាង 2.4 ម៉ែត្រ ប៉ុន្តែវាក៏ពិបាកណាស់ក្នុងការរក្សាលំនឹង ជាមួយ «ស្នែងដ៏ធំ» របស់វា។ ស្នែងកំណត់ត្រារបស់គោ Watusi ក្នុងរដ្ឋ Wyoming សហរដ្ឋអាមេរិក មានទំហំដល់ទៅ ១០៣,៥ សង់ទីម៉ែត្រ (នេះបើតាមការចុះផ្សាយរបស់ Guinnessworldrecords)។
សម្រាប់កុលសម្ព័ន្ធ Mundari ក្នុងប្រទេសស៊ូដង់ខាងត្បូង ពួកគេយកចិត្តទុកដាក់យ៉ាងខ្លាំង ចំពោះសត្វគោនេះ ដោយចាត់ទុកពួកវាជាទ្រព្យសម្បត្តិដ៏មានតម្លៃបំផុតរបស់ពួកគេ និងត្រៀមរួចជាស្រេចដើម្បីការពារពួកវាក្នុងកាលៈទេសៈក៏ដោយ រួមទាំងការលះបង់ជីវិតរបស់ពួកគេផងដែរ។
ពួកគេក៏ត្រូវបានចាត់ទុកថាជារូបិយប័ណ្ណ ដែលជានិមិត្តសញ្ញានៃស្ថានភាពគ្រួសារ ប្រជាជន Mundari កម្រនឹងសម្លាប់ពួកវាណាស់ ប៉ុន្តែភាគច្រើនទទួលបានទឹកដោះពីគោនេះ។ ស្នែងដ៏ធំរបស់គោ Watusi ពិតជាឃ្លាំងកាល់ស្យូមសម្រាប់រាងកាយ។
វាគឺជាប្រភពអាហារូបត្ថម្ភដ៏សំខាន់ សម្រាប់ជនជាតិដើមភាគតិច ជាពិសេសនៅតំបន់ស្ងួត និងធ្ងន់ធ្ងរបំផុត នៃទ្វីបអាហ្រ្វិក៕ រក្សាសិទ្ធិដោយ៖ លឹម ហុង