Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

យន្តហោះ​ទំលាក់​គ្រាប់បែក​អា​មេ​រិច ហោះ​លើ​ឧបទ្វីប និង​ចូលរួម​សមយុទ្ធ​ជាមួយ​ជប៉ុន កូរ៉េខាងត្បូង​

spot_img

​យន្តហោះ​ទំលាក់​គ្រាប់បែក​ដ៍​មាន​អនុភាព​របស់​អា​មេ​រិច បានធ្វើការ​ហោះហើរ​លើ​ឧបទ្វីប​កូរ៉េ​កាលពី​ថ្ងៃ​ព្រហស្បតិ៍​ម្សិលមិញ ដើម្បី​ចូលរួម​ធ្វើ​សមយុទ្ធ​ជាមួយនឹង​យន្តហោះ​ចំបាំង​របស់​ជប៉ុន និង​កូរ៉េខាងត្បូង តែ​ប៉ុន្មាន​ថ្ងៃ​ប៉ុណ្ណោះ​មុនពេល​ដំណើរ​ទស្សនៈកិច្ច​របស់​ប្រធានាធិបតី​អា​មេ​រិច មក​តំបន់​អាស៊ី​។​

​យន្តហោះ​ទំលាក់​គ្រាប់បែក​ប្រភេទ B-1B Lancer ដែលមាន​ល្បឿន​លឿន​ជាង​សម្លេង បើ​ហោះ​លើ​តំបន់ ហើយ​វត្តមាន​របស់​វា​តែងតែ​ធ្វើ​ឲ្យ​កូរ៉េខាងជើង​ខឹងសម្បារ​យ៉ាងខ្លាំង ហើយ​របប​កុ​ម្មុនិ​ស្ត​នេះ បាន​ថ្កោលទោស​ការធ្វើ​សមយុទ្ធ​នោះ និង​បាន​ហៅថា​ជាការ​សម្លុត​ខ្លួន នៅ​ព្រឹក​ថ្ងៃ​សុក្រ​នេះ​។​

​យន្តហោះ​ទំលាក់​គ្រាប់បែក​អា​មេ​រិច ២​គ្រឿង​បាន​ហោះ​ចេញពី​មូលដ្ឋាន​ទ័ពអាកាស (Andersen Air Force Base) នៅ​កោះ​ក្វាម (Guam) និង​បាន​ចូលរួម​ដោយ​យន្តហោះ​ចំបាំង​ជប៉ុន​។ នេះ​បើតាម​កងកំលាំង​ទ័ពអាកាស​ប៉ា​ស៊ី​ភិ​ចរប​ស់អា​មេ​រិច បាន​និយាយ​នៅក្នុង​សេចក្តីប្រកាស​។​

​យន្តហោះ​ទំលាក់​គ្រាប់បែក​នោះ​ក៍បាន​ហោះ​កាត់​កូរ៉េខាងជើង ដើម្បី​ចូលរួម​ជាមួយយន្តហោះ​កូរ៉េខាងត្បូង​នៅ​សមុទ្រ​លឿង ហើយ​ក្រោយមក​ក៍បាន​ហោះ​ទៅកាន់​មូលដ្ឋាន​រៀងៗ​ខ្លួន​។​

​ជា​ទម្លាប់ កូរ៉េខាងជើង​តែងតែ​ថ្កោលទោស​ចំពោះ​វត្តមាន​របស់​យន្តហោះ​ទំលាក់​គ្រាប់បែក​អា​មេ​រិច រាល់ពេល​ដែល​បាន​ចូលរួម​ធ្វើ​សមយុទ្ធ ដែល​កូរ៉េខាងជើង​ហៅ​ការ​សម​នោះ​ថា​ជាការ​វាយប្រហារ​។ នៅ​ថ្ងៃ​សុក្រ​នេះដែរ ភ្នាក់ងារ​សារ​ព៌​ត​មាន​រដ្ឋ​កូរ៉េខាងជើង KCNA បាន​និយាយថា “​ការពិត​បានបង្ហាញ់​យ៉ាងច្បាស់​ថា ជើងកាង​ដូចជា​ចក្រ​ព​ន្តិ​និយម​អា​មេ​រិច​នេះ គឺជា​អ្នក​ដែល​ធ្វើ​ឲ្យ​ស្ថានភាព​កាន់តែ​ក្តៅ​នៅ​ឧបទ្វីប​កូរ៉េ និង​កំពុង​អុជអាល​ឲ្យ​មាន​សង្គ្រាម​នុយក្លេអ៊ែរ​”៕​ ដោយ ៖​ សុភ័ក្ត្រ

 

spot_img
×