បន្ទាប់ពីកូនត្រូវបានចោរឆក់ទូរស័ព្ទស៊េរីទំនើប អស់រយៈពេលជាង១ខែ ពោលគឺក្នុងអំឡុងថ្ងៃបុណ្យចូលឆ្នាំទី១ ខណៈមនុស្សម្នាចាកចេញទៅស្រុកកំណើត ឡើងស្ងាត់ទីក្រុងភ្នំពេញ ប៉ុន្តែ រហូតមកទល់ពេលនេះ សមត្ថកិច្ចធ្វើការនៅពុំទាន់មានផ្លែផ្កា និងហត់នឿយពឹងប៉ូលីសខ្លាំងពេក ប្តីប្រពន្ធមួយ បានសម្រេចចិត្តពឹងបងប្អូនអ្នកប្រើប្រាស់បណ្តាញសង្គម ជួយស្វែងរកមុខចោរ។
នេះបើតាមគណនីហ្វេសប៊ុកឈ្មោះ Kin Phanin បានបង្ហោះវីដេអូសកម្មភាពឆក់ និងប្រកាសស្វែងរកចោរ រៀបរាប់ពីដំណើរដើមហេតុឲ្យដឹងថា៖ កាលពីថ្ងៃទី១៤ ខែ០៤ ឆ្នាំ២០២២ ពេលចូលឆ្នាំកូនខ្ញុំត្រូវចោរមិនស្គាល់មុខបានឆក់ទូរស័ព្ទ iphon13 promax នៅទល់មុខផ្សារហេងលីនៅពីមុខធនាគារ Jtrust ដែលពួកចោរជិះម៉ូតូមានគ្នា២នាក់ម៉ាកHonda cljkc ស្លាកលេខ 1IX7987។
ម្ចាស់គណនីខាងលើក៏បានបញ្ជាក់ថា វេលាម៉ោង 1.30 នាទី ថ្ងៃត្រង់ ខ្ញុំប្តឹងប៉ូលីសរួចហើយ តែប៉ូលីសប្រងើយកន្តើយរហូត ខ្ញុំហត់នឿុយនឹងសួរពួកគាត់ណាស់ មានតែផុសលើបណ្តាញហ្វេសបុក សូមបងប្អូនជួយបើសិនជាបានឃើញភិនភាគចោរ និងផ្លាកលេខម៉ូតូខាងលើ សូមអរគុណច្រើនទុកជាមុន ខ្ញុំនឹងមានសគុណជូន! បើបងប្អូនមានឃើញសូមទាក់ទងមកលេខនេះចា078555808.សូមចែកចាយបន្តផងអរគុណ។
ដោយឡែក នៅពេលសួរថា ហេតុការណ៍កើតឡើងតាំងពីយូរ ទើបភ្ញាក់ផុស! គាត់ក៏បានឆ្លើយតបថា «ប៉ូលីសគេថាកុំផុសទុកគេធ្វើការ»។ ហេតុនេះ ដោយសារតែរង់ចាំយូរពេក ហើយហត់នឹងសួរនាំខ្លាំងពេក គាត់ក៏សម្រេចចិត្តផុសទៅ៕ រក្សាសិទ្ធិដោយ៖ លឹម ហុង
