សៀងហៃ/ប៉េកាំង៖ ទីក្រុងសៀងហៃបានបើកដំណើរការឡើងវិញនូវផ្នែកមួយចំនួននៃខ្សែរថភ្លើងក្រោមដីដែលវែងជាងគេបំផុតរបស់ពិភពលោកកាលពីថ្ងៃអាទិត្យម្សិលមិញនេះហើយ បន្ទាប់ពីខ្សែរថភ្លើងមួយចំនួនត្រូវបានបិទអស់រយៈពេលជិតពីរខែ ខណៈពេលដែលទីក្រុងនេះគ្រោងនឹងដកចេញនូវបម្រាមបិទខ្ទប់ដោយសារជំងឺកូវីដ-១៩នៅសប្តាហ៍ក្រោយនេះ។
ប្រជាជនភាគច្រើនមិនអនុញ្ញាតឱ្យចាកចេញពីផ្ទះរបស់ពួកគេទេ និងមានការរឹតបន្តឹងផ្នែកខ្លះនៃទីក្រុង ដែលមានប្រជាជនច្រើនបំផុតរបស់ប្រទេសចិន នៅព្រឹកថ្ងៃអាទិត្យម្សិលមិញនេះ ចំពោះអ្នកចង់ចេញពីផ្ទះឬធ្វើដំណើរ ត្រូវតែបង្ហាញហេតុផលឱ្យបានសមរម្យបំផុត។
ការបិទទីក្រុងសៀងហៃ និងការរឹតបន្តឹងនៅក្នុងទីក្រុងផ្សេងទៀត បានធ្វើឱ្យប៉ះពាល់ដល់សង្វាក់នៃការប្រើប្រាស់ ផលិតផលឧស្សាហកម្ម និងវិស័យផ្សេងទៀតនៃសេដ្ឋកិច្ចចិនក្នុងរយៈពេលប៉ុន្មានខែថ្មីៗនេះ ដែលជំរុញឱ្យមានការគាំទ្រពីអ្នកបង្កើតគោលនយោបាយ។
មនុស្សជាច្រើនដែលចេញទៅក្រៅក្នុងមជ្ឈមណ្ឌលពាណិជ្ជកម្មមួយនេះ បានពាក់អាវការពារពណ៌ខៀវ និងរបាំងមុខ។ នៅក្នុងទូរថភ្លើង អ្នកដំណើរត្រូវបានគេឃើញរក្សាកៅអីទំនេរមួយចំនួននៅចន្លោះខ្លួនពួកគេ។ លោក Xu Jihua ជាកម្មករសំណង់ចំណាកស្រុកដែលបានមកដល់ចំណតរថភ្លើងក្រោមដី មុនពេលវាបើកនៅម៉ោង 7 ព្រឹក ដោយសង្ឃឹមថានឹងទៅដល់ស្ថានីយ៍រថភ្លើង បន្ទាប់មកធ្វើដំណើរទៅស្រុកកំណើតនៅខេត្ត Anhui ភាគខាងកើត។
លោក Xu បាននិយាយថា “ការងារបានផ្អាកតាំងពីថ្ងៃទី 16 ខែមីនា” ដោយបន្ថែមថាគាត់មិនអាចរកប្រាក់ចំនូលបានប្រចាំខែ 7,000-8,000 យន់ (1,000-1,100 ដុល្លារអាមេរិក) ចាប់តាំងពីពេលនោះមក ហើយគាត់នឹងត្រលប់មកទីក្រុងសៀងហៃវិញ នៅពេលដែលគាត់ប្រាកដថាគាត់អាចរកការងារ
បាន។”តើការបិទខ្ទប់ពិតជាដកឬអត់? វាមិនច្បាស់ទេ”។
ស្ត្រីម្នាក់ដែលសុំមិនឱ្យស្គាល់អត្តសញ្ញាណដោយនាមត្រកូល Li បាននិយាយថា នាងត្រូវទៅសួរសុខទុក្ខឪពុកនាងក្នុងមន្ទីរពេទ្យមួយចម្ងាយ ៨ គីឡូម៉ែត្រពីចំណតរថភ្លើងឈប់ចុងក្រោយ។លោកស្រី Li បាននិយាយថា “ខ្ញុំនឹងទៅមន្ទីរពេទ្យបេះដូង ប៉ុន្តែខ្ញុំមិនដឹងថា តើនឹងមានរថយន្ត ឬដឹកជញ្ជូននៅពេលខ្ញុំទៅចេញពីស្ថានីយ៍រថភ្លើងនោះទេ”។ “ខ្ញុំប្រហែលជាត្រូវដើរនៅទីនោះ។”
ផ្លូវចំនួន 4 ក្នុងចំណោម 20 ខ្សែបានបើកឡើងវិញ ហើយផ្លូវរថយន្តក្រុងចំនួន 273 ខ្សែ។ កន្លែងខ្លះបានបិទនៅចុងខែមីនា ខ្លះបានបន្តប៉ុន្តែបានកំណត់ចំនួន។ ទីក្រុងចំនួន 25 លាននាក់រំពឹងថានឹងលុបចោលការបិទខ្ទប់នៅទូទាំងទីក្រុងរបស់ខ្លួន ហើយត្រលប់ទៅជីវិតធម្មតាវិញចាប់ពីថ្ងៃទី 1 ខែមិថុនា។ ប្រព័ន្ធរថភ្លើងក្រោមដី 800 គីឡូម៉ែត្ររបស់ទីក្រុងសៀងហៃ ជាមធ្យមមានមនុស្សជិះ 7.7 លាននាក់ក្នុងមួយថ្ងៃក្នុងឆ្នាំ 2020 នេះបើយោងតាមទិន្នន័យចុងក្រោយបង្អស់ ជាមួយនឹងអ្នកដំណើរប្រចាំឆ្នាំចំនួន 2.8 ពាន់លាននាក់៕ ប្រភព៖រ៉យទ័រ