រាជធានីតូក្យូ៖ នៅទីបំផុត ជប៉ុន នឹងសម្រេចបើកព្រំដែនរបស់ខ្លួនឡើងវិញ សម្រាប់ទទួលអ្នកមកទស្សនាកម្សាន្ដ មកពីប្រទេស និង ដែនដី ចំនួន៩៨ ក្រោយការបិទប្រទេស ហាមឃាត់ដល់អ្នកទេសចរ អស់រយៈពេល២ឆ្នាំកន្លងមកនេះ។
សារព័ត៌មាន VOA ជាភាសាអង់គ្លេស បានចេញផ្សាយ កាលពីថ្ងៃទី២៧ ខែឧសភា ឆ្នាំ២០២២ ថា ជប៉ុន នឹងបើកព្រំដែនរបស់ខ្លួន សម្រាប់ទទួលភ្ញៀវទេសចរបរទេស ជាលើកដំបូង នៅខែមិថុនា ចាប់តាំងពីការរឹតត្បិតដល់ការធ្វើដំណើរ ដោយសារការរាតត្បាត ពីជំងឺកូវីដ-១៩។
ការបើកព្រំដែនរបស់ជប៉ុន នេះ នឹងអនុញ្ញាតដល់ភ្ញៀវទេសចរ មកពីបណ្ដាប្រទេស និង ដែនដី ចំនួន៩៨ អាចចូលមកដើរលេងកម្សាន្ដ នៅក្នុងប្រទេសនេះ។ នេះជាពេលវេលាដ៏សំខាន់បំផុត សម្រាប់ការបន្ធូរបន្ថយនូវច្បាប់រឹតបន្ដឹងកូវីដ-១៩របស់ប្រទេសអាស៊ីខាងកើតមួយនេះ។ ប៉ុន្ដែទោះជាយ៉ាងណា ជប៉ុន ក៏នៅតែរឹតបន្ដឹងដល់ប្រទេសមួយចំនួនផងដែរ។
ប្រទេសជប៉ុន បានអនុវត្តរបបគ្រប់គ្រងមេរោគដ៏តឹងរឹងបំផុត នៅលើពិភពលោក ហើយបានហាមឃាត់ភ្ញៀវទេសចរបរទេស ចូលរួមការប្រកួតអូឡាំពិកអូឡាំពិក។ ការរឹតត្បិត លើការធ្វើដំណើរ ត្រូវបានបន្ធូរបន្ថយរួចមកហើយ សម្រាប់អ្នករស់នៅបរទេស និង អ្នកធ្វើដំណើរអាជីវកម្ម ហើយថ្មីៗនេះ រដ្ឋាភិបាល បានបង្កើនចំនួនអ្នកចូលរួមបរទេស ប្រចាំថ្ងៃ កើនឡើង រហូតដល់ ២០ ០០០នាក់ ចាប់ពីថ្ងៃទី១ ខែមិថុនា៕ រក្សាសិទ្ធិដោយ ៖ សារាយSN
