ក្មេងស្រីជនជាតិចិនម្នាក់ បានប្រថុយជីវិតរបស់នាង ដើម្បីធ្វើកិច្ចការសាលាឲ្យទាន់ពេល ដោយនាងបានអើតចេញមកខាងក្រៅបង្អួចឡានដែលកំពុងរត់ និងបានយកដំបូងឡានធ្វើជាតុសំរាប់នាងសរសេរកិច្ចការសាលា។
បើមើលតាមវីដេអូ ទង្វើរបស់ក្មេងស្រីម្នាក់នេះពិតជាគ្រោះថ្នាក់ខ្លាំងណាស់។ នេះបើតាមការចេញផ្សាយរបស់ការសែតក្នុងស្រុកSouth China Morning Post។
ឪពុករបស់នាងគឺជាអ្នករត់តាក់ស៊ី ហើយគាត់មិនបានដឹងថាកូនស្រីរបស់គាត់ធ្វើបែបនោះនៅខាងក្រោយទេ ព្រោះគាត់កំពុងនិយាយទូរស័ព្ទជាមួយនឹងមិត្តភក្តិ។
ឪពុករបស់ក្មេងស្រីនោះ ត្រូវបានបញ្ឍប់លែងឲ្យបើកបរបណ្តោះអាសន្ន។
វីដេអូរបស់ក្មេងស្រីដែលប្រលែងលេងនឹងសេចក្តីស្លាប់នេះ ត្រូវបានគេចែកចាយយ៉ាងច្រើននៅក្នុងបណ្តាញទំនាក់ទំនងចិន ហើយមានអ្នកបញ្ចេញមតិតមួយបានលើកឡើងថា នោះជាទង្វើដ៏គ្រោះថ្នាក់ខ្លាំង។ នាងប្រហែលជាមិនដឹងថាវាគ្រោះថ្នាក់យ៉ាងណានោះទេ ប៉ុន្តែឪពុករបស់នាងពិតជាដឹង៕ សុភ័ក្ត្រ