ឆ្មាមួយអាយុ ៣ឆ្នាំ នៅចិន ពេលម្ចាស់វាបើកប្រអប់ដាក់ផ្លែធុរេន ស្រាប់តែភ្នែកវាបើកក្រឡោត ដើរទ្រេតទ្រោតរួចដេកដួលសន្លប់លើកៅអីសាឡុងតែម្តង ។
Niu Xiaoyao រស់នៅទីក្រុងប៉េកាំង ឲ្យដឹងថា កាលពីថ្ងៃទី ៥ ខែឧសភា នាងសម្រេចចិត្តហៅកូនឆ្មាអាយុ ៣ឆ្នាំ ឈ្មោះ Du Du ជាសំណព្វចិត្តរបស់ខ្លួន មកស៊ីធុរេនជាមួយគ្នា ។
តាម News Flare នាងបានថតយកប្រតិកម្មរបស់វាពេលស៊ីផ្លែធុរេនបែបណាដែរ ។
ស្មានពុំដល់ថា វាមានផ្ទៃមុខតក់ស្លុត គ្រាដែលម្ចាស់វាបើកប្រអប់ធុរេន ហើយរុញមកឲ្យវា ។ តែមួយភ្លែតប៉ុណ្ណោះ វាក៏ទ្រេតទ្រោត បង្ខំចិត្តហិតផ្លែធុរេន ដែលម្ចាស់ហុចឲ្យ បន្ទាប់មកភ្នែកវាបើកឡើងក្រឡោត ហើយដួលលើសាឡុងសន្លប់បាត់ស្មារតី ។
ឥឡូវនាងបានបង្ហោះទិដ្ឋភាពនេះ ហើយចង់បានការពន្យល់ពីមូលហេតុដែលធុរេន អាចធ្វើឲ្យឆ្មាសន្លប់បាន ៕ ចន្ទ្រា