នាង Merle Liivand អ្នកអភិរក្សនៅទីក្រុង Miami ដែលត្រូវបានគេដាក់ឈ្មោះថា មច្ឆា បានបង្កការភ្ញាក់ផ្អើល និងការកោតសរសើរជាខ្លាំង នៅពេលនាងឆ្លងកាត់ទឹកសមុទ្រក្នុងរដ្ឋ Florida សហរដ្ឋអាមេរិក ដើម្បីបង្កើតកំណត់ត្រាពិភពលោក បើទោះជាត្រូវបាន «រំខាន» ដោយសត្វសមុទ្រ jellyfish ក៏ដោយ។
Merle Liivand បានហែលចាកចេញពីឆ្នេរ Miami ក្នុងរដ្ឋ Florida ហើយនៅពេលនោះ នាងក៏ត្រូវសត្វសមុទ្រ jellyfish ទិច។ ជំនួសឱ្យការឈប់ នាង Merle បានបន្តបញ្ចប់ផ្លូវធ្វើដំណើរ ដោយហែលទឹក ៤២.២ គីឡូម៉ែត្រ ក្នុងរយៈពេល ១១ ម៉ោង ៥៤ នាទី។
នាងបានចាកចេញពី Sunset Harbor Marina ដោយហែលទឹកយ៉ាងលំបាកជុំវិញឆ្នេរ Biscayne ។ ជាមួយនឹង «សមិទ្ធិផល» នេះ Merle Liivand បានបំបែកឯតទគ្គកម្មពិភពលោក សម្រាប់ការហែលទឹកចម្ងាយឆ្ងាយបំផុត ដោយប្រើ «កន្ទុយត្រី»។
Merle Liivand បានចែករំលែកថា “តាំងពីខ្ញុំនៅក្មេងមក សុខភាពខ្ញុំមិនសូវល្អទេ តែការហែលទឹកបានជួយខ្ញុំច្រើន”។
អស់រយៈពេលជាងមួយឆ្នាំ នាងភ្ញាក់ពីគេងនៅម៉ោង ៤ ព្រឹក ជារៀងរាល់ថ្ងៃ ៥០ នាទី ៣ ដងក្នុងមួយសប្តាហ៍ រៀនយូហ្គា ផ្តោតលើការដកដង្ហើម និងអាហារូបត្ថម្ភ។ នាងទទួលទានកាឡូរីពី ៤ ទៅ ៥ ពាន់កាឡូរី ក្នុងមួយថ្ងៃ ផឹកទឹកឱ្យបានគ្រប់គ្រាន់ លេបថ្នាំម៉ាញេស្យូម និងប៉ូតាស្យូម ដើម្បីការពារការរមួលក្រពើ ដែលជាបញ្ហាដែលតែងតែកើតឡើងនៅពេលហែលទឹកផ្លូវឆ្ងាយ។
Merle Liivand ហ្វឹកហាត់ដ៏ប្រឈមទៅនឹងលក្ខខណ្ឌដែលនាងដឹងថា នាងនឹងត្រូវប្រឈមមុខនៅថ្ងៃសម្តែង។ ការហ្វឹកហ្វឺនក្នុងបរិយាកាសក្តៅ បានជួយ Merle បង្កើនអត្រាបេះដូងរបស់នាង និងរៀបចំរាងកាយ និងផ្លូវចិត្តរបស់នាង សម្រាប់ការប្រយុទ្ធ។
បន្ទាប់ពីបានបញ្ចប់កំណត់ត្រាពិភពលោក Merle Liivand បានចែករំលែកថា នាងអាចធ្វើឱ្យប្រសើរឡើងនូវការហែលទឹករបស់នាង សូម្បីតែលក្ខខណ្ឌសមស្របក៏ដោយ។ នាងបាននិយាយថា វាពិតជាឈឺចាប់ពេលនាងត្រូវសត្វចាហួយទិច ប៉ុន្តែ ប្រាប់ខ្លួនឯងថា នេះមិនមែនជាពេលត្រូវយំនោះទេ។
Merle Liivand ចែករំលែកថា “នៅពេលដែលខ្ញុំមានអារម្មណ៍ស្រងូតស្រងាត់ ខ្ញុំតែងតែរំលឹកខ្លួនឯងថា ខ្ញុំជាទំនាក់ទំនងរវាងមនុស្ស និងមហាសមុទ្រ ខ្ញុំកំពុងស្តាប់សមុទ្រ ខ្ញុំចង់ឱ្យសាររបស់ខ្ញុំត្រូវបានផ្ញើទៅកាន់សមុទ្រ”។
‘The Miami Mermaid’ មានដើមកំណើតមកពីប្រទេស Estonia បានផ្លាស់ទៅ Florida កាលពី ១១ ឆ្នាំមុន។ នាងស្រលាញ់សមុទ្រ ហើយបានហែលទឹកសមុទ្រ តាំងពីនាងនៅវ័យក្មេងម្ល៉េះ។
ម្ចាស់កំណត់ត្រា ៤ ដង នេះមិនត្រឹមតែជាអ្នកហែលទឹកប៉ុណ្ណោះទេ នាងក៏ជាអ្នកអភិរក្សសមុទ្រ និងជានាវិកជួយសង្គ្រោះសមុទ្រផងដែរ ដោយបានចូលរួមយ៉ាងសកម្ម ក្នុងកម្មវិធីអភិរក្សសមុទ្រ។
នាងចំណាយពេលហ្វឹកហាត់ បង្វឹកមនុស្សឱ្យហែលទឹក និងបង្កើនការយល់ដឹងអំពីការខូចខាតដែលបានកើតឡើងចំពោះមហាសមុទ្រ។ អ្វីដែលប្លែកពីអ្នកតស៊ូមតិនៅសមុទ្រស្អាត គឺនាងហែលទឹកជាប្រចាំដោយប្រើព្រុយស៊ីលីកូនដោយមិនប្រើដៃ។ គោលបំណងគឺមិនត្រឹមតែជួយបង្កើនការស៊ូទ្រាំរបស់រាងកាយនៅពេលហែលទឹកប៉ុណ្ណោះទេ ប៉ុន្តែវាក៏ដោយសារតែវាមិនចង់បង្កើតសម្លេងរំខាននៅក្នុងសមុទ្រផងដែរ។
ក្នុងអំឡុងពេលហ្វឹកហាត់ហែលទឹក អ្នកហែលទឹកបានរៀបរាប់ថា នាងស្ទើរតែលេបមីក្រូប្លាស្ទិក ពេលដកដង្ហើម។ បន្ទាប់ពីនោះមក នាងមានអារម្មណ៍ថា ក្នុងនាមជាអត្តពលិកក្នុងទឹក នាងគួរតែធ្វើបន្ថែមទៀតដើម្បីការពារសមុទ្រ៕ រក្សាសិទ្ធិដោយ៖ លឹម ហុង
