ទំព័រហ្វេសប៊ុកមួយដែលមានឈ្មោះថា “Phanu CR” បានបញ្ចេញរឿងរ៉ាវដ៏កំសត់មួយ អំពីក្មេងប្រុសម្នាក់ ជិះឆ្កែទៅសាលារៀនជារៀងរាល់ថ្ងៃ ធ្វើឲ្យអ្នកនិយមលេងអ៊ីនធឺណិតមានការភ្ញាក់ផ្អើល ហើយវីដេអូនេះបានរីករាលដាលភ្លាមៗ បន្ទាប់ពីត្រូវបានបង្ហោះតាមអ៊ីនធឺណិត។
លោក Phanupong Akkarasatien ម្ចាស់ផេកខាងលើ បានប្រាប់ឲ្យដឹងថា ប្រុសនោះមានឈ្មោះ Yong អាយុ ៩ ឆ្នាំ កំពុងសិក្សាថ្នាក់ទី៣ នៅសាលា Ban Kaen Wittya ក្នុងខេត្ត Chaing Rai។
ឆ្កែនោះមានឈ្មោះ Bo ដែលថ្ងៃមួយ វាបានដើរទៅផ្ទះ Yong ហើយបាននៅជាមួយគ្រួសារ តាំងពីពេលនោះមក។ ឆ្កែនិងក្មេងប្រុសគឺស្និទ្ធស្នាលគ្នាណាស់។ ឆ្កែមកសាលារៀនជាមួយក្មេងប្រុស ហើយរង់ចាំរហូតដល់ថ្នាក់រៀនចប់ ទើបពួកគេត្រឡប់ទៅផ្ទះជាមួយគ្នា។ វារង់ចាំនៅមុខថ្នាក់រៀនដោយអត់ធ្មត់ជារៀងរាល់ថ្ងៃ។
Yong មានបងប្រុសម្នាក់ទៀតអាយុ១២ឆ្នាំរៀននៅថ្នាក់ទី៦។ ពួកគេរស់នៅផ្ទះជាមួយជីដូនអាយុ៧០ឆ្នាំដែលគាត់មានអ្នកជំងឺប្រចាំកាយដេកតែលើគ្រែ។ Yong និង Phuchit ជាបងប្រុស ជួយមើល និងបញ្ចុកអាហារដល់ជីដូនយ៉ាងយកចិត្តទុកដាក់ មុននិងក្រោយទៅសាលា ហើយក៏ជួយសម្អាតគាត់ផងដែរ។
Yong ជារឿយៗចូលរួមក្នុងព្រឹត្តិការណ៍នានានៅសាលា។ វីដេអូបង្ហាញ Yong ជិះលើខ្នងរបស់ឆ្កែប្រុសម្នាក់ដើរទៅសាលារៀន បានធ្វើឲ្យគ្រប់គ្នាមានការភ្ញាក់ផ្អើលជាខ្លាំង ព្រោះម្នាក់ៗមិននឹកស្មានថាឆ្កែនោះអាចទ្រាំទ្របាន ហើយវាក៏ហាក់ដូចជាមិនមានការឈឺចាប់អ្វីទេ និងថែមទាំងអត់ធ្មត់រង់ចាំម្ចាស់រហូតដល់គាត់រៀនចប់ ទើបវិលត្រឡប់ទៅផ្ទះជាមួយគ្នា។ សិស្សនៅសាលាទាំងអស់ស្រឡាញ់ឆ្កែនេះណាស់ ដោយពួកគេតែងលេងជាមួយ និងផ្តល់ចំណីដល់វាផងដែរ៕ រក្សាសិទ្ធិដោយ៖ លឹម ហុង
