ជឿថាប្រិយមិត្តជាច្រើន ប្រហែលនៅចាំបានហើយ ដែលកាលពីអំឡុងខែសីហា ឆ្នាំ២០២១ ម្ចាស់ហាងទូរស័ព្ទមួយដែលមានគណនីហ្វេសប៊ុកឈ្មោះ Chendalen Phoneshop បានបង្ហោះវីដេអូបង្ហាញបុរសអ្នកសុំទាន «កាលីប» ម្នាក់ ដែលធ្វើឲ្យមហាជនផ្ទុះការចាប់អារម្មណ៍ខ្លាំងតែម្តង។
អ្វីដែលគួរឲ្យចាប់អារម្មណ៍នោះ គឺនៅក្នុងវីដេអូ បុរសអ្នកសុំទានហាក់មានបញ្ហាស្មារតីរូបនោះ ដែលមានឈ្មោះថា យេង វាសនា បានអះអាងថា កាលពីមិនទាន់កូវីដ ៣ថ្ងៃ រកបាន១លាន ឥឡូវសល់តែ ៧០ ម៉ឺនទេ បាត់ៗ ហៅមិនឮហ្មង។ សព្វថ្ងៃ មានប្រពន្ធ ២ នាក់ និងកូន ៦ នាក់ ក្នុងបន្ទុក។
នៅពេលសួរថា សព្វថ្ងៃធ្វើការរកស៊ីអ្វី បុរសរូបនេះក៏បានឆ្លើយថា សព្វថ្ងៃធ្វើការបើទោះសុំទានគេមែន តែផឹក ABC ជក់សុទ្ធ៣លេខ អត់ថោកទាបទេ សំខាន់កុំឲ្យតែដើរលួចគេបានហើយ និងថា រាល់ថ្ងៃ កុំតែផឹកជក់ពេកទេ បើដាក់ចិត្តថារកសន្សំ គឺរកវ៉ៃយ៉ាងយូរ ៥ ខែ ខ្លួនអាចទិញហាយឡែនឌ័រ១គ្រឿង ជិះយ៉ាងសង្ហារ ម៉ាសម្បត្តិហាយឡែនឌ័រ២ម៉ឺន៤ ឥឡូវធ្លាក់ត្រឹម១៨នុះ!។
ដោយឡែក នៅពេលសួរទៀតថា ខ្ជិលចង់ទិញឡានជិះ មកពីដៃពិការម្ខាង ហេតុអ្វីមិនឲ្យប្រពន្ធបើក អ្នកសុំទានកាលីបគ្មាន២រូបនេះ បាននិយាយយ៉ាងឡូយថា ខ្ជិលណាស់ ឲ្យស្រីបើកបរតែពិះតាពាស ជូនកាលកំពុងផឹកស៊ី ប្រពន្ធមកតាមអី តែខឹងមួយ លែងចោលទាំងពីរ លែងចោលពីរ យកថែមពីរទៀត សំខាន់ខ្លួនជាអ្នករកលុយ ព្រោះអីស្រីៗឥឡូវ មាន ៧-៨ ពាន់ ការបានបាត់។
ក្រោយនិយាយចង់យកប្រពន្ធយ៉ាងស្រួលរួចហើយ បុរសដ៏ចម្លែករូបនេះ ក៏បានពោលពាក្យយ៉ាងចាក់ដោត ទៅកាន់ប្តីប្រពន្ធលក់ទូរស័ព្ទនោះថា៖ ស្រួលសម្រាប់រូបខ្ញុំទេ ដូចបងឯងធ្វើបានដូចខ្ញុំកើតអត់!? យើងកុំឃើញដំរីជុះ ចង់ជុះតាមដំរី អត់កើតទេ…! តែសំខាន់ i want u 1$ eat rice។
តែដោយឡែក វីដេអូថ្មីផ្សេងមួយទៀត បានធ្វើឲ្យមានការភ្ញាក់ផ្អើល និងអស់សំណើចជាខ្លាំង ខណៈបង្ហាញបុរសសុំទានរូបនេះ ដែលបានចេញមុខលើកឡើងដូចមុនៗថា ៣ថ្ងៃ១លាន ឥឡូវសល់៧០ម៉ឺនដដែល។ ប៉ុន្តែ នៅពេលគេសួរថា ចាយគ្រាន់ដែរ? អ្នកសុំទានរូបនេះ បានឆ្លើយឡើងអស់ទាស់ថា អ្នកសុំទានមែន តែកម្របាយមុខរោងចក្រ… បាយ១ចាន កាហ្វេ១ចាន អស់ 5$ គ្រាន់តែអាហារសម្រន់ចំណាយអស់២ម៉ឺន និងមិនគិតដល់ ABC ពេលល្ងាច២កំប៉ុង បារី៣លេខ១កញ្ចប់ទៀតផង…។ ហើយនៅពេលគេចាក់បណ្តោយថា «ដាក់ទៅសាច់ស្អាតម៉ង» ស្រាប់តែអ្នកសុំទានរូបនេះ ឆ្លើយថា មិនស្អាតទេ សំខាន់មានលុយ ពិការតែកាយសម្បទា តែចិត្តមិនពិការទេ ផឹកកាហ្វេតែ១កែវ ១ពាន់ទេ តែខ្លួនឲ្យអ្នកលើកកាហ្វេដល់១កែវ១ម៉ឺនឯណោះ កាហ្វេមធ្យម តែងំអូនស្អាត៕ រក្សាសិទ្ធិដោយ៖ លឹម ហុង
