Sun Mingming និងប្រពន្ធរបស់គាត់ឈ្មោះ Xu Yan ដែលមានកម្ពស់រួមគ្នារហូតដល់ទៅ ៤.២៣ សង់ទីម៉ែត្រ បានទទួលងារជាគូស្នេហ៍ដែលខ្ពស់ជាងគេបំផុត នៅក្នុងពិភពលោក។
ប្តីប្រពន្ធជនជាតិដើម Heilongjiang មួយគូនេះ ត្រូវបានទទួលស្គាល់ដោយ Guinness World Record ឆ្នាំ២០១៦ ដោយ Sun Mingming មានកម្ពស់ ២.៣៦ សង់ទីម៉ែត្រ និង Xu Yan កម្ពស់ ១.៨៧ សង់ទីម៉ែត្រ។
Sun បច្ចុប្បន្ន មានអាយុ ៣៨ ឆ្នាំ គឺជាអតីតអ្នកលេងបាល់បោះអាជីព និង Xu អាយុ ៣៤ ឆ្នាំ ក៏ជាអ្នកលេងបាល់បោះអាជីពដូចគ្នា បានរៀបការនៅខែសីហា ឆ្នាំ ២០១៣ នៅទីក្រុងប៉េកាំង។ ពួកគេបានជួបគ្នា នៅព្រឹត្តិការណ៍ National Games របស់ប្រទេសចិនក្នុងឆ្នាំ ២០០៩។
តែទោះយ៉ាងណា កម្ពស់ដ៏ខ្ពស់បំផុតរបស់ពួកគេ បាននាំមកជាមួយនឹងគុណវិបត្តិខ្លាំងផងដែរ។ គូស្នេហ៍មួយគូនេះបាននិយាយថា ការងារ ឬសកម្មភាពប្រចាំថ្ងៃដូចជាការជិះរថយន្ត យន្តហោះ និងការស្វែងរកបន្ទប់នៅក្នុងសណ្ឋាគារ អាចជាការពិបាកសម្រាប់ពួកគេ។
ជាក់ស្តែង ពួកគេបាននិយាយថា «នៅក្នុងសណ្ឋាគារ ពិតជាមានការលំបាកព្រោះភាគច្រើនមិនអាចឈរត្រង់ខ្លួនបាន។ រីឯពេលចូលក្នុងរថយន្តម្តងៗក៏ពិបាកសម្របខ្លួនអង្គុយបានដែរ ប៉ុន្តែ វាជារឿងសុំាទៅហើយសម្រាប់ពួកយើង»។
ពួកគេក៏បានឲ្យដឹងទៀតថា «ថ្ងៃផ្សំដំណេកបន្ទាប់រៀបការក៏ពួកយើងត្រូវកុម្ម៉ង់គ្រែ ដែលមានទំហំពិសេសទំហំវែងជាងធម្មតាដល់ទៅ ៤ ម៉ែត្រ»៕ រក្សាសិទ្ធិដោយ៖ លឹម ហុង
