វីដេអូគួរឲ្យចាប់អារម្មណ៍មួយនៅលើហ្វេសប៊ុក បានបង្ហាញទិដ្ឋភាពប្រឈមមុខគ្នាដ៏គួរឲ្យស្រៀវសាច់ជំនួស រវាងសត្វឆ្កែពូជកាច Pit Bull១ក្បាល និងបុរសម្នាក់ ដែលបានព្យាយាមការពារសត្វឆ្កែតឿរបស់គាត់ ។ ហេតុការណ៍នេះ ត្រូវបានគេថាបានកើតឡើងនៅតាមបណ្តោយផ្លូវមួយកន្លែងក្នុងប្រទេសម៉ិចស៊ីកូ និងទទួលការចូលខមិនកោតសរសើរចំពោះភាពក្លាហានរបស់ម្ចាស់ឆ្កែរងគ្រោះ ។
លោក Mathew Roberts បានត្អូញត្អែរនៅលើគណនីហ្វេសប៊ុករបស់គាត់ អំពីហេតុការណ៍នេះដែលបានកើតឡើងកាលពីថ្ងៃសៅរ៍ ។ គាត់បានរៀបរាប់ឲ្យដឹងថា នៅថ្ងៃកើតហេតុនោះ គាត់កំពុងបោសសម្អាតទីធ្លានៅខាងក្រៅផ្ទះរបស់ ប៉ុន្តែ នៅពេលនោះ ស្រាប់តែសត្វឆ្កែ Bull ដ៏ធំ១ក្បាល បានបោលសំដៅ និងវាយប្រហារឆ្កែចិញ្ចឹមតូចរបស់គាត់យ៉ាងសាហាវតែម្តង ។ ឃើញស្ថានភាពបែបនេះ គាត់ក៏ស្ទុះទៅចាប់ទាញឆ្កែធំនោះយ៉ាងលឿន ដោយពុំគិតពីគ្រោះថ្នាក់កើតឡើងមកលើខ្លួនឯងទេ ។
តាមរយៈវីដេអូកាមេរ៉ាឃ្លាំមើល បានបង្ហាញឲ្យឃើញលោក Roberts ចូលទៅអន្តរាគមន៍សត្វឆ្កែ២ក្បាលកំពុងខាំគ្នាយ៉ាងសាហាវ ។ ខណៈពេលដែល Roberts កំពុងព្យាយាមបានចាប់ទាញឆ្កែធំចេញ គេក៏បានឃើញបុរសម្នាក់ដែលម្ចាស់ ដែលដឹកបណ្តើសត្វឆ្កែតូចជាង១ក្បាល រត់ចូលមកបំណងមកជួយអន្តរាគមន៍ ។ ទោះយ៉ាងណា លោក Robert បានគ្រប់គ្រងចាប់ឱបទាញសត្វឆ្កែធំនោះចេញយ៉ាងទីណាត់ទីណែង ខណៈពេលដែលស្ត្រីដំណើរម្នាក់ក៏បានចូលជួយទាញផ្តាច់ឆ្កែទាំងពីរចេញពីគ្នាផងដែរ ។
ក្រោយអន្តរាគមន៍រួចរាល់ភ្លាមៗ លោក Roberts ត្រូវបានឃើញបញ្ចេញឥរិយាបទផ្ទុះកំហឹងយ៉ាងខ្លាំង ដោយបានដាល់ទៅលើសត្វម្ចាស់ឆ្កែធំនោះ១ដៃ និងសូម្បីទាញដំបងវាយទៅវាទៀតផង ៕ ចន្ទី
