អ្នកជំនួញជនជាតិម៉ាឡេស៊ីម្នាក់ បានជិះឧទ្ធម្ភាគចក្រឆ្លងកាត់ទីក្រុង ដើម្បីភ្លក់ធុរេនពូជពិសេស ដោយត្រូវបានរៀបចំជប់លៀងធូរេន VIP នៅកណ្តាលចម្ការតែម្តង។
ទុរេនត្រូវបានគេចាត់ទុកថាជាស្តេចផ្លែឈើ។ អ្នកដែលចូលចិត្តទុរេន តែងតែស្វែងរកពូជពិសេស ជាមួយនឹងរសជាតិដ៏អស្ចារ្យ។ ដូចអ្នកជំនួញនៅម៉ាឡេស៊ីនេះដែរ គាត់និងមិត្តភ័ក្តិចូលចិត្តផ្លែទុរេនណាស់ ហើយថែមទាំងមានបំណងចង់ជិះឧទ្ធម្ភាគចក្រហោះពីលើទីក្រុង ដើម្បីបំពេញបំណងប្រាថ្នានេះ។
យោងតាមគេហទំព័រ Asia One នៅថ្ងៃទី២៩ ខែមិថុនា ឆ្នាំ ២០២២ បានបង្ហាញថា នៅថ្ងៃទី២២ ខែមិថុនា ពាណិជ្ជករម្នាក់ដែលត្រូវបានគេស្គាល់ឈ្មោះថា Datuk រួមជាមួយនឹងមិត្តភក្តិ ៣ នាក់ផ្សេងទៀត បានជិះឧទ្ធម្ភាគចក្រពីទីក្រុង Kuala Lumpur ឆ្ពោះទៅ Johor គោលដៅ គឺចម្ការធុរេនរបស់ Lukman Hakim Johar ដែលចំណាយពេលប្រហែល ១ ម៉ោង ក្នុងការធ្វើដំណើរ។
ពេលមកដល់អ្នកជំនួញរូបនេះ និងមិត្តភ័ក្តិមួយក្រុមបានបញ្ជាទិញទុរេនមកបម្រើការហូប ដែលជាពូជដើម Segamat ពិតប្រាកដជាមួយនឹងធុរេន Muar Gold និងរួមជាមួយនឹងផ្លែឈើផ្សេងទៀតដូចជា សាវម៉ាវ និងមង្ឃុត ដែលម្ចាស់ចម្ការផ្តល់សេវាកម្មយ៉ាងល្អ រៀបចំតុជប់លៀងជូនពាណិជ្ជករពិសាធុរេន យ៉ាងពេញទំហឹង។
Johar ដែលជាម្ចាស់ចម្ការដែលបានក្លាយជាម្ចាស់ផ្ទះនៃពិធីជប់លៀងទុរេន VIP បាននិយាយថា ពាណិជ្ជករមិនចង់បរិភោគពូជទុរេនពេញនិយមទូទៅនោះទេ ហេតុនេះ គាត់មានបំណងមកដល់ចម្ការផ្ទាល់ ព្រោះគាត់ចង់ញ៉ាំទុរេនពូជពិសេសក្នុងស្រុក។
ទោះជាយ៉ាងណា ការចុះចតឧទ្ធម្ភាគចក្រនៅក្នុងចម្ការ មិនងាយស្រួលរលូននោះទេ ដោយម្ចាស់ចម្ការត្រូវទាក់ទងអ្នកបើកយន្តហោះជាច្រើនដង មុនពេលកំណត់ការចុះចត ដោយផ្ញើទីតាំងពិតប្រាកដនៃការឈប់នៅលើផែនទី ទៅអ្នកបើកយន្តហោះ។
បើតាមការបានឲ្យដឹងពាណិជ្ជករមួយក្រុមនោះ បានចំណាយពេលប្រហែល១ម៉ោង ក្នុងពិធីជប់លៀងធុរេនរហូតដល់ឆ្អែត។ ចំពោះថ្លៃធូរេនដែលត្រូវបង់ គឺត្រឹមតែ ៨៨ រីងហ្គីតម៉ាឡេស៊ី ឬប្រហែល ៧០០ បាត (ជិត ២០ ដុល្លារ) ប៉ុណ្ណោះ ហើយពួកគេក៏បានឧបត្ថម្ភធនធុរេន ២០ ផ្លែ បន្ថែមទៀតផងដែរ។
នៅប្រទេសម៉ាឡេស៊ី រដ្ឋមន្ត្រី អ្នកនយោបាយ និងអ្នកជំនួញ ត្រូវបានប្រើប្រាស់យ៉ាងទូលំទូលាយ ដោយឧទ្ធម្ភាគចក្រ។ ប៉ុន្តែ ដំណើរកម្សាន្តពេលខ្លះត្រូវរងការរិះគន់យ៉ាងខ្លាំង ចំពោះភាពប្រណីតរបស់ពួកគេ៕ រក្សាសិទ្ធិដោយ៖ លឹម ហុង
