នេះជាហេតុការណ៍គ្រោះចរាចរណ៍ដ៏រន្ធត់មួយ ដែលអ្នកលេងហ្វេសប៊ុកបានចែករំលែក បង្ហាញឲ្យឃើញខណៈពេលដែលក្មេងស្រីអាយុប្រហែល៧ឆ្នាំម្នាក់ បានរត់ឆ្លងផ្លូវដោយពុំប្រុងប្រយ័ត្ន ក៏ត្រូវបានរថយន្ត១គ្រឿងបុកយ៉ាងពេញទំហឹង បណ្តាលឲ្យចូលក្រោមរថយន្តតែម្តង ខណៈចាប់ហ្វ្រាំងពុំទាន់ពេលវេលា ព្រោះតែពុំបានប្រុងប្រយ័ត្នពីហេតុការណ៍កើតឡើងពុំនឹកស្មានយ៉ាងនេះ ។
តាមរយៈវីដេអូឃ្លីប ក្រោយហេតុការណ៍កើតឡើងភ្លាមៗ ម្ចាស់រថយន្តគ្មានចេតនា ក៏បានឈប់រថយន្ត និងស្ម័គ្រប្រឈមដោះស្រាយជាមួយក្រុមគ្រួសារក្មេងស្រីរងគ្រោះផងដែរ ។ ទោះយ៉ាងណា យើងក៏ពុំដឹងថា ភាគីទាំងពីរយល់ព្រមចរចាគ្នាបញ្ចប់រឿងដោយសន្តិវិធីណាទេ ទៅតាមទម្ងន់នៃគ្រោះថ្នាក់របស់ក្មេងស្រីនោះ ។
បើយោងតាមគណនីហ្វេសប៊ុកឈ្មោះ SSrey Neang ដែលរូបគាត់បានជួបហេតុការណ៍ផ្ទាល់ បានសរសេរយ៉ាងដូច្នេះថា៖ “ធ្លាប់តែឃើញនៅក្នុង Facebook តែឥឡូវជួបខ្លួនងងបានដឹងថា អារម្មណ៍នៅពេលនោះគឺខ្ញុំគ្រប់គ្រងការភិតភ័យមិនបាន៕ តើវាជាកំហុសអ្នកណា?ក្មេងអាយុ៧ឆ្នាំប្រើអោយមកបើកលុយវីងឆ្លងផ្លូវ ឥឡូវមានបញ្ហាតើឡានជាអ្នកខុស១០០%រឺ?”
ប៉ុន្តែ ដោយសារតែមានមតិវាយប្រហារដាក់បន្ទុកទៅលើរូបគាត់ធ្ងន់ៗពេក ឥឡូវនេះ គាត់បានបង្ហោះសារលុបវីដេអូនោះចោលហើយ ដើម្បីកុំឲ្យអ្នកលេងហ្វេសប៊ុក (មតិស្រប និងប្រឆាំង) ប្រកែកគ្នាតឹងសរសៃកតទៅទៀត ៕
