Wednesday, June 26, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បង្ក្រាប​ករណី​ជួញដូរ​គ្រឿងញៀន​៣​គោលដៅ ឃាត់ខ្លួន​ជនសង្ស័យ​៣​នាក់​ រឹបអូស​គ្រឿងញៀន​ ជិត​៤​គីឡូក្រាម​

spot_img

​ភ្នំពេញ​ ៖​ កម្លាំង​ជំនាញ​ នៃ​មន្ទីរ​ប្រឆាំង​គ្រឿងញៀន​(​ក​៦)​ បានបើកប្រតិបត្តិការបង្ក្រាប​ករណី​ជួញដូរ​គ្រឿងញៀន​៣​គោលដៅ ដោយបាន​ឃាត់ខ្លួន​ជនសង្ស័យ​ប្រុស​ស្រី​៣​នាក់ ​ពាក់ព័ន្ធ​ករណី​ជួញដូរ​គ្រឿងញៀន​ទ្រង់ទ្រាយ​ធំ​ និង​ដកហូត​វត្ថុ​តាង​គ្រឿងញៀន​ជិត​៤​គីឡូក្រាម​។​

​លោក​ឧត្តមសេនីយ៍ត្រី​ ហ៊​ម​ គ​ន្ធី​ នាយករង​មន្ទីរ​ប្រឆាំង​គ្រឿងញៀន​(​ក​៦)​ បាន​ដឹកនាំ​បញ្ជា​ផ្ទាល់​ បានឱ្យ​ដឹង​ថាៈ​ គោលដៅ​ទី​១៖​នៅ​វេលា​ម៉ោង​២៣​និង​១០​នាទី​ ថ្ងៃ​ទី​១៨​ ខែឧសភា​ ឆ្នាំ​២០១៨​ នៅ​ចំណុច​ផ្សារ​តា​ប៉ា​ង​ សង្កាត់​ផ្សារ​ថ្មី​១​ ខណ្ឌដូនពេញ​ រាជធានី​ភ្នំពេញ​ កម្លាំង​ជំនាញ​(​ក​៦)​របស់​មន្ទីរ​ប្រឆាំង​គ្រឿងញៀន ​បាន​បើក​កិច្ច​ប្រតិបត្តិការ ​តាម​វិធាន​ញុះញង់​បង្ក្រាប​ករណី​ជួញដូរ​គ្រឿងញៀន​ខុសច្បាប់​។​ ​ក្នុង​ប្រតិបត្តិការ​នេះ កម្លាំង​ជំនាញ ​បាន​ឃាត់ខ្លួន​ជនសង្ស័យ​ម្នាក់​ឈ្មោះ​ តេ​ង​ ស៊ី​ថេ​ន​ ភេទ​ប្រុស​ អាយុ​ ៣៨​ឆ្នាំ​​ ដោយចាប់​យក​វត្ថុ​តាង​ នូវ​សារធាតុ​ញៀន​ប្រភេទ​ម៉េ​តំ​ហ្វេ​តា​មីន (​ice)​ ទម្ងន់​ ៩៩,៨០​ ក្រាម​។​ ​គោលដៅទី​២ ​នៅ​វេលា​ម៉ោង​២​និង​៣០​នាទី​ថ្ងៃ​ទី​១៩​ ខែឧសភា​ ឆ្នាំ​២០១៨​ នៅ​ចំណុច​ នៅ​ចំណុច​ ផ្ទះ​ជួល​ជាន់​ទី​២​ សង្កាត់​វាលវង់​ ខណ្ឌ​៧​មក​រា​ រាជធានី​ភ្នំពេញ​​កម្លាំង​ជំនាញ​ បាន​ឃាត់ខ្លួន​ម្នាក់​ទៀត​ ឈ្មោះ​ រ៉ុ​ង​ ឌី​ណា​ ភេទ​ស្រី​ អាយុ​២៩​ឆ្នាំ​ ​ចាប់​យក​វត្ថុ​តាង​ នូវ​សារធាតុ​ អិ​ច​ស្តា​ស៊ី​ MDMA​ ទម្ងន់​ ៧៨០,៩​ក្រាម​ សារធាតុ​មេ​តំ​ហ្វេ​តា​មីន​ (​ice)​ ទម្ងន់​ ២៣៣៤,៩៨​ ក្រាម​​ សារធាតុ​ កេ​តា​មីន​ (K)​ ទម្ងន់​ ៣៩៣,៧២​ក្រាម​។​ និងនៅគោលដៅទី​៣ ​នៅ​វេលា​ម៉ោង​១៥​និង​៣០​នាទី​ ថ្ងៃ​ទី​១៩​ ខែឧសភា​ ឆ្នាំ​២០១៨​ នៅ​ចំណុច​ នៅ​ចំណុច​ ផ្លូវឌឿងហែម​ ផ្ទះ​១៥៨C​ ភូមិ​បឹង​សាឡា​ង​ សង្កាត់​ឫស្សី​កែវ​ ខណ្ឌឫស្សីកែវ​ រាជធានី​ភ្នំពេញ​ កម្លាំង​ជំនាញ​បាន​ឃាត់ខ្លួន​ជនសង្ស័យ​ម្នាក់​ឈ្មោះ​ សុខ​ រី​ខាន​ ភេទ​ប្រុស​ អាយុ​២៤​ឆ្នាំ​ ​ចាប់​យក​វត្ថុ​តាង​៖​សារធាតុ​មេ​តំ​ហ្វេ​តា​មីន​ (​ice)​​ ទម្ងន់​ ១៣,៣៦​ ក្រាម​។​ លោកបានបញ្ជាក់ថា ​សរុប​ទាំង​ ៣​គោលដៅ​ ឃាត់​ជនសង្ស័យ​៣​នាក់ ចាប់​យក​វត្ថុ​តាង​សរុប​ មេ​តំ​ហ្វេ​តា​មីន​ ទម្ងន់​ ២៤៤៨,១៤​ក្រាម​​ អិ​ច​ស្តា​ស៊ី​ ទម្ងន់​ ៧៨០,៩​ ក្រាម​ កេ​តា​មីន​ ទម្ងន់​ ៣៩៣,៧២​ក្រាម​ សរុប​គ្រឿងញៀនទាំង​ ៣​ប្រភេទ​ ទម្ងន់​ ៣៦២២,៧៦​ ក្រាម​ ៕ដោយ៖បញ្ញាស័ក្តិ

 

 

spot_img
×