វីដេអូដ៏អស់ទាស់មួយ បានកំពុងធ្វើឲ្យអ្នកលេងបណ្តាញសង្គម ចាប់អារម្មណ៍ និងអស់សំណើចខ្លាំងតែម្តង ខណៈបានឃើញស្រ្តីជាម្ចាស់ផ្ទះម្នាក់ ព្រោះអត់ទ្រាំពុំបានៗ ទាញរំពាត់ ដើម្បីបណ្តេញក្មេងស្រីជំទង់មួយក្រុម ដែលមិនដឹងជាចងកំហឹងអ្វី ស្រាប់តែនាំគ្នាមករាំអង្រួនស្ទើរបាក់របងផ្ទះរបស់គាត់។
នេះបើតាមអ្នកប្រើប្រាស់ TikTok @peatbowon98 បានប្រាប់ឲ្យដឹងថា នារីជំទង់មួយក្រុម បានរាំនៅខាងមុខក្បួនដង្ហែមួយ។ ប៉ុន្តែ ក្មេងស្រីទាំងនេះ ប្រហែលចង់រាំបែបស្ទាយល៍ចម្លែក ក៏បាននាំគ្នារាំអង្រួនរបងផ្ទះគេយោកស្ទើរបាក់។ តែទោះជាយ៉ាងណា សកម្មភាពនេះ ម្ចាស់ផ្ទះមិនអាចឈរមើលបានឡើយ ព្រោះថា បើបណ្តោយឱ្យពួកគេរាំរបៀបនេះបន្តទៀត នោះមានសង្ឃឹមថា របងផ្ទះប្រាកដជាបាក់ជាមិនខាន។
តាមរយៈឃ្លីបបានបង្ហាញឲ្យឃើញ យុវជនប្រុសស្រីមួយហ្វូង បានកំពុងរាំខាងមុខក្បួនដង្ហែមួយ ប៉ុន្តែ នៅពេលនោះ ក៏ស្រាប់តែមានក្មេងស្រីជំទង់បីនាក់បែរជារត់ទៅរាំកាន់របងផ្ទះអ្នកភូមិ និងព្រមទាំងយកដៃចាប់អង្រួនរបងផ្ទះយ៉ាងពេញទំហឹងតែម្តង។ ភ្លាមៗនោះ គេក៏បានឃើញស្រ្តីម្ចាស់ផ្ទះ បានចេញមក និងយកឈើវែងវាយរបង ដើម្បីឃាត់ពួកគេកុំធ្វើបែបនេះទៀត។
បន្ទាប់ពីវីដេអូឃ្លីបនេះ ត្រូវបានផ្សព្វផ្សាយ ឃើញថាមានមនុស្សជាច្រើនបានចុចចូលមើលឃ្លីបនេះ ត្រឹមតែរយៈពេលមិនដល់មួយថ្ងៃពេញ ក៏មានអ្នកចូលមើលជិត ៤លានដងឯណោះ។ បើទោះជាមានមនុស្សមិនច្រើន រិះគន់អាកប្បកិរិយារបស់នារីវ័យក្មេងទាំងបីនាក់ ដោយយល់ថាពួកនាងកំពុងលេងសើចក៏ដោយ ក៏មនុស្សមួយចំនួនមិនគាំទ្រទេ ព្រោះថា ពួកគេមិនគួរធ្វើឲ្យអ្នកដទៃរងទុក្ខបែបនេះឡើយ៕ រក្សាសិទ្ធិដោយ៖ លឹម ហុង
@peatbowon98 ฮั่วเพิ่ลๆ555 #รถแห่นางฟ้าซาวด์อุดรธานี ♬ เสียงต้นฉบับ – ห้ามสูบบุหรี่ในที่สาธารณะนะคับ