ភ្នំពេញៈសាកសពបុរស់ម្នាក់ត្រូវគេប្រទះឃើញអណ្ដែតទឹកតាមដងទន្លេបាសាកនៅចំណុច មាត់ច្រាំងទន្លេបាសាក់ ផ្លូវ៣៦៩ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ ដោយពុំដឹងពីដឹងហេតុ នាថ្ងៃទី២០ខែឧសភាឆ្នាំ២០១៨នេះ។
ក្រុមសមត្ថកិច្ចប៉ូលិសនិយាយថាសាកសពពុំស្គាល់អត្តសញ្ញាណ ។សមត្ថកិច្ចបន្តទៀតថានៅថ្ងៃទី២០ខែឧសភាឆ្នាំ២០១៨នេះមានប្រជាពលរដ្ឋេរស់នៅក្បែរកន្លែងកើតហេតុនោះគាត់ បានឃើញសាកសពពុំស្គាល់អត្តសញ្ញាណ ភេទ ប្រុស អណ្តែតទឹកមកទើរនៅមាត់ច្រាំងទន្លេបាសាក់ស្រប ផ្លូវ៣៦៩ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ ក្រុងភ្នំពេញក៏មករាយការណ៍ប្រាប់សមត្ថកិច្ចយើងចុះទៅពិនិត្យ។
ក្រុមសមត្ថកិច្ចបានសន្និដ្ឋានតាមការពិនិត្យរបស់ការិយាល័យនគរបាលបច្ចេកទេសរាជធានីភ្នំពេញ និងការបញ្ជាក់របស់ឧកញ៉ាវេជ្ជបណ្ឌិត នង សុវណ្ណារ័ត្ន គ្រូពេទ្យកោសល្យវិច្ច័យរាជធានីភ្នំពេញ បញ្ជាក់ថាសាកសពនេះស្លាប់ដោយសារលង់ទឹក។
បច្ចុប្បន្នសពដម្កល់ទុកនៅវត្តចាក់អង្រែ ក្រោម រងចាំក្រុមគ្រួសារមកទទួលយក៕ ដោយ៖បញ្ញាស័ក្តិ
