អ្នកដំណើរត្រូវបានជម្លៀសចេញពីសាឡាងចម្លងមួយ ដែលត្រូវបានអគ្គីភ័យឆាបឆេះ ខណៈកំពុងធ្វើដំណើរពីបាលី ទៅកាន់ Java កាលពីរសៀលថ្ងៃព្រហស្បតិ៍ ។
យោងតាមមន្ត្រីផ្លូវទឹក Banyuwangi បានឲ្យដឹងថា ម៉ាស៊ីនខាងក្រោយរបស់សាឡាង KMP Labitra Adinda ត្រូវឆាបឆេះនៅវេលាម៉ោង ២ និង ២០ នាទី រសៀល ខណៈវាកំពុងតម្រង់ទិសដៅដើម្បីចូលចតនៅកំពង់ផែ Ketapang ក្នុង Banyuwangi ភាគខាងកើត Java ។
សាឡាងចម្លងនេះ កំពុងដឹកជញ្ជូនអ្នកដំណើរចំនួន ១៨ នាក់ និងក្រុមសសមាជិករបស់វាចំនួន ១២ នាក់ រួមជាមួយរថយន្តដឹកទំនិញចំនួន ៥ គ្រឿង, រថយន្តបំបះចំនួន ៥ គ្រឿង និងម៉ូតូចំនួន ២ គ្រឿង ។
ផ្លូវទឹកឆ្លងកាត់ច្រកសមុទ្របាលី គឺជាផ្លូវដ៏ពេញនិយមមួយ ដោយចាកចេញពីកំពង់ផែ Gilimanuk ក្នុង Jembrana, West Bail ទៅកាន់កំពុងផែ Ketapang ហើយខណៈសាឡាងនោះ ទើបតែធ្វើដំណើរបាន ៣០ នាទី ក៏ស្រាប់តែឆាបឆេះតែម្តង ។
លោក Subandi បាននិយាយថា នៅពេលអគ្គីភ័យបានកើតឡើងភ្លាមៗ សាឡាងនោះនៅតែឆ្ពោះនៅតែស្ថិតនៅក្នុងសមុទ្រ ដែលមានចម្ងាយប្រហែល ២០០ ម៉ែត្រ ពីកំពង់ផែ ។
អ្នកដំណើរត្រូវបានជម្លៀស ដោយប្រើនាវា KMP Karya Maritim II ខណៈក្រុមសមាសមាជិកនាវិក ត្រូវបានសង្គ្រោះដោយអូបរ ដែលជាកម្មសិទ្ធិរបស់កម្លាំងប៉ូលីសជើងទឹក Basarnas ៕ ចន្ទី
