កាលពីថ្ងៃទី៨ ខែកក្កដា ឆ្នាំ ២០២២ គេហទំព័រ HK01 បានចុះផ្សាយរឿងអាពាហ៍ពិពាហ៍ដ៏ភ្ញាក់ផ្អើលមួយ ដែលកំពុងក្លាយជាប្រធានបទវែកញែកដ៏ក្តៅគគុកនៅលើបណ្តាញសង្គមចិន។
ប្រភពបានឲ្យដឹងថា ដំបូងឡើយ យុវជនម្នាក់នៅ Shangrao ខេត្ត Jiangxi បានណាត់ជួបជាមួយនារីវ័យក្មេងម្នាក់។ ក្រោយពីបានជួប នាងមានអារម្មណ៍ថា បុរសនោះមានរូបរាងស្អាត ខ្ពស់សង្ហា ហើយផ្ទះក៏មិនធម្មតាដែរ។ ដូច្នេះ នាងមិនឯអន់បដិសេធរៀបការជាមួយគាត់នោះទេ។
គ្រួសាររបស់នាង បានបង្គាប់ថ្លៃបណ្ណាការពីគ្រួសារកូនបុរសនោះចំនួន ៨ សែនយន់ ឬស្មើជិត ១២០០០ ដុល្លារ ។ តែទោះជាយ៉ាងណា ខណៈពិធីមង្គលការពិតប្រាកដបានមកដល់ ស្រាប់តែមានរឿងដ៏មិននឹកស្មាន ព្រោះថា កូនកំលោះបានបង្ហាញខ្លួននៅក្នុងពិធីនោះ មិនមែនជាបុរសសង្ហាដែលនារីបានយល់ព្រមនោះទេ ប៉ុន្តែជាមនុស្សខុសគ្នាទាំង ដែលធ្វើឲ្យកូនក្រមុំឃើញហើយស្ទើរដួលសន្លប់។ បន្ទាប់មកទើបគេដឹងថា កូនកំលោះម្នាក់នេះ គឺជាប្អូនប្រុសរបស់បុរសដែលនាងបានជួបក្នុងថ្ងៃនោះ។
រឿងនេះត្រូវបានលាតត្រដាងការពិតថា បុរសជាបងប្រុសនោះ មានបំណងឲ្យប្អូនប្រុសរបស់ខ្លួនណាត់ជួបនារីជាកូនក្រមុំប៉ុន្តែ មិនប្រាប់ការពិតហើយធ្វើឱ្យនាងយល់ថា ជាអ្នករៀបការគឺជាគាត់។ កូនក្រមុំសោកស្ដាយណាស់ដែលចាញ់បោកគេបែបនេះ ហើយបុរសនោះក៏មិនដែលនិយាយថា «បុរសដែលជាកូនកំលោះគឺជារូបគាត់នោះទេ»។
ជាសំណាងហើយ ដែលនាងមិនទាន់បានចុះឈ្មោះរៀបការជាមួយកូនកំលោះម្នាក់នេះនៅឡើយ។ ដូច្នេះ ទើបនាងសម្រេចចិត្តលុបចោលពិធីមង្គលការវិញ។ ប៉ុន្តែរឿងមិនចប់ត្រឹមហ្នឹងទេ ដោយគ្រួសាររបស់កូនកំលោះមិនឲ្យគ្រួសារកូនក្រមុំលុបចោលពិធីមង្គកាស្រួលៗនោះទេ ដោយតម្រូវឲ្យប្រគល់លុយកាក់ថ្លៃបណ្ណាការមកវិញទាំងអស់។ តែទោះជាយ៉ាងណា គ្រួសារកូនក្រមុំមិនព្រមប្រគល់ឲ្យវិញទេ ដោយលើកហេតុផលបោកប្រាស់។
បន្ទាប់ពីសារព័ត៌មានក្នុងស្រុកបានចុះផ្សាយរឿងនេះ អ្នកប្រើប្រាស់បណ្ដាញសង្គមបានបញ្ចេញមតិរិះគន់ថា «ទង្វើរបស់បុរសនោះ គឺជាការបោកប្រាស់យ៉ាងច្បាស់។ រឿងនេះត្រូវបានគេចាត់ទុកថាជាការបោកប្រាស់លើអាពាហ៍ពិពាហ៍។ វាជាការសមរម្យក្នុងការប៉ះប៉ូវដល់ស្ត្រីចំពោះការខូចខាតផ្លូវចិត្ត»៕ រក្សាសិទ្ធិដោយ៖ លឹម ហុង
