ក្នុងរយៈពេលជាច្រើនថ្ងៃមកនេះ ភ្លៀងធ្លាក់ជាប់ៗគ្នា បានបណ្តាលឲ្យតំបន់ជាច្រើនត្រូវជន់លិចធ្ងន់ធ្ងរ ហើយក្នុងនោះ សូម្បីតែតំបន់ដែលពុំធ្លាប់ជួបប្រទះដោយគ្រោះធម្មជាតិជំនន់ទឹកភ្លៀង។
ជាក់ស្តែង ភ្លៀងធ្លាក់ប្រមាណ១០ថ្ងៃជាប់ៗគ្នា បានធ្វើឲ្យទឹកធ្លាក់ចុះពីលើភ្នំយ៉ាងគំហុក ប្រៀបដូចទឹកបាក់ទំនប់ ដែលមិនធ្លាប់កើតមានពីមុនមក បានបណ្តាលឲ្យផ្ទះសម្បែងប្រជាពលរដ្ឋ នៅខាងក្រោមតាមបណ្តោយជួរភ្នំ១០០៥ (ខេត្តពោធិ៍សាត់) ត្រូវរងការវាយប្រហារដោយទឹកហូរបាក់មកដែលបាននាំមកជាមួយដីភក់ គល់ឈើធំៗ និងដុំថ្មគួរឲ្យខ្លាច។
បើតាមប្រភពវីដេអូ បានបញ្ជាក់ថា បើទោះជាទឹកហូរបុកមកពីលើភ្នំយ៉ាងខ្លាំងក្លាបែបនេះក៏ដោយ តែពុំបានបណ្តាលឲ្យគ្រោះថ្នាក់ដល់អាយុជិវិតមនុស្សទេ ដោយគ្រាន់តែបង្កផលប៉ះពាល់បាក់ស្ពានជើងមួយកន្លែង និងផ្ទះប្រជាពលរដ្ឋរងការខូចខាតប៉ុណ្ណោះ។
តាមរយៈរូបភាពនេះ ក៏សូមបងប្អូនជាពិសេសអ្នករស់នៅតាមតំបន់ជាយភ្នំ ត្រូវបង្កើនការប្រុងប្រយ័ត្នខ្ពស់ ដើម្បីជៀសវាគ្រោះធម្មជាតិបង្កបែបនេះ ឬអាចបាក់ដី កើតឡើងជាយថាហេតុ៕ រក្សាសិទ្ធិដោយ៖ លឹម ហុង
